Бош прокурор раҳбарлигида қишлоқ хўжалиги соҳасида, жумладан ғўза парвариши ва пахта йиғим-теримига доир қонунчилик ижросини таъминлаш масалаларига бағишланган видеоселектор йиғилиши ўтказилди. Бу ҳақда Бош прокуратура ахборот хизмати хабар қилган.
Йиғилишда Бош прокуратура, Вазирлар Маҳкамаси ҳузуридаги Агроиспексия, вилоят ва туман прокурорлари, вилоят ва туман ҳокимларининг соҳага масъул ўринбосарлари ҳамда бошқа мутасадди идоралар вакиллари иштирок этган.
Селектор йиғилишида қишлоқ хўжалиги экинларини етиштириш, айниқса ғўза агротехникаси ва пахтани йиғиштириб олиш борасидаги ишлар аҳволи танқидий муҳокама қилиниб, қонун бузилиши ҳолатлари тизимли тус олганлиги оқибатида қатор муаммолар юзага келганлиги таъкидланди.
Хусусан, республика бўйича жами 210 минг гектар, шундан Андижон вилоятида 3,7 минг, Бухорода 3,8 минг, Тошкентда 5,4 минг, Наманганда 6,4 минг, Навоийда 8,3 минг, Фарғонада 8,5 минг, Сурхондарёда 9,7 минг, Қашқадарёда 12,6 минг, Самарқандда 18,6 минг, Хоразмда17,9 минг, Қорақалпоғистон Республикасида 26 минг, Сирдарёда 38,5 минг, Жиззахда 50 минг гектардаги ғўзалар ривожланишдан орқада қолаётганини қайд этилди.
Мавзуга доир: Жиззах ва Сирдарёдаги сув ресурслари ва ерларнинг мелиоратив ҳолати яхшиланади — Президент қарори
Мирзачўл, Сайхунобод, Қизириқ, Бўка, Элликқалъа, Ўзбекистон, Муборак, Мингбулоқ, Чуст, Пахтачи туманларида 1,5-2 минг гектар майдондаги ғўзалар чанқаган бўлишига қарамай, суғориш ишлари асоссиз кечиктирилмоқда», – дейилади хабарда.
Мавзуга доир: Сирдарё ҳавзасига боғланган майдонларни қўшимча суғориш учун Тожикистондаги сув омборидан фойдаланилади
Қишлоқ хўжалигини давлат томонидан қўллаб-қувватлаш жамғармасидан ажратилган имтиёзли маблағлар мақсадсиз ишлатилган.
«Агробанк» филиаллари мансабдор шахслари томонидан 2020 йил пахта ҳосили учун ажратилган 58,7 миллиард сўм имтиёзли кредит маблағлари мақсадсиз сарфлаб юборилган.
Ўтган йилги харажатлардан жами 1 триллион 767 миллиард, шундан 1 триллион 708 миллиард сўми кластерлардан ҳамда 59,5 миллиард сўми фермер хўжаликларидан қайтарилмаган.
Кластер корхоналарининг 19 таси олти ойдан буён муддати ўтган 433 миллиард сўм қарздорликни қайтармаган. Соҳа мутахассисларининг ҳисоб-китоблари ҳамда ҳудудлардан олинган таклифларга кўра, 2020 йилда 829,2 минг майдонда ғўза дефолиациясини ўтказиш режалаштирилмоқда.
Бироқ Қорақалпоғистон Республикаси, Қашқадарё, Жиззах, Андижон, Самарқанд ва Тошкент вилоятларида 6-8 фоиз, Бухорода 12 фоиз, Хоразмда 25 фоиз, Сурхондарёда 29 фоизде фолиант захира қилинган бўлса, Навоий, Наманган, Сирдарё ва Фарғона вилоятларида умуман захира қилинмаган.
Республиканинг табиий-иқлим шароитларидан келиб чиқиб, 42 534 гектар майдонларга картошка экиш режалаштирилган бўлса-да, режага нисбатан 3 717 гектар майдонга картошка экилмаган.
Кун тартибидаги масалалар юзасидан Қашқадарё, Сурхондарё, Самарқанд, Сирдарё, Бухоро вилоятлари прокурорлари ва уларнинг соҳавий ўринбосарлари, мазкур вилоятларнинг ҳокимларининг қишлоқ ва сув хўжалиги масалалари бўйича ўринбосарлари ва бошқа мутасадди раҳбарларнинг тушунтиришлари эшитилди.
Қайд этилган камчиликларни зудлик билан бартараф этиш ҳамда соҳага доир қонунлар ижроси устидан назоратни тубдан кучайтириш бўйича топшириқлар берилди, дейилади Бош прокуратура ахборотида.
Изоҳ (0)