Америкалик блогер Аллен Пен ўзининг YouTube’даги каналида тиббий ниқобларни отишга қодир пневматик пистолет билан бўлишди. Пистолетнинг тўртта ствол оғзи бўлиб, уларга сиқилган карбонат ангидридли баллончалар ўрнатилган: ҳар бир стволдан ўқ узилганида металл парчага уланган тўртта ниқоб ипчалари отилиб чиқади. Ниқоб инсон юзига теккач, унинг бўйнига боғланади.
Пандемия вақтида турли давлатлар ҳукумати касалланиш ҳолатларини камайтириш учун турли чекловларни жорий этмоқда: коронавирус аниқланган бемор учун мажбурий бўлган карантин чекловлари — ижтимоий масофаланишга риоя қилиш, шунингдек, ниқоб ва қўлқопда юриш. Ушбу чекловлардан оқилона фойдаланиш орқали вирус тарқалишига йўл қўймаслик мумкин, бироқ чекловлар енгиллашгани боис ниқоб тақувчилар ҳам камаймоқда.
Айрим инсонлар ниқобда ўзларининг озодлигини чекланган деб ҳисоблаб, оммавий равишда улардан воз кечмоқда. Хусусан, Калифорниянинг Хантингтон Бич шаҳри аҳолиси ниқоб тақишга ёрқин қаршилик кўрсатаётган ҳудудлардан бири: ҳукуматнинг ниқоб тақиш борасидаги талабларига жавобан улар оммавий норозилик ҳам уюштирмоқда. Бунга жавобан Аллен Пен одамларга тўғри ниқоб отадиган пневмотик пистолетни яратди.
Ниқоб отишдаги хавфсизликни таъминлаш мақсадида унга мўлжаллагич ўрнатилган. Бунда бўйинни кўзлаш керак: шунда ниқоб юзга, унинг тошчалари эса бошнинг орқа томонига учади.
Пен ушбу пистолетни ўзи ва манекенда синаб кўрган: у етарли даражадаги яқин масофадан туриб ниқобни тўғри отишга муваффақ бўлган. Шунингдек, у Хантингтон Бич аҳолисига ҳам ўз қурилмасидан фойдаланиб кўришга рухсат берган.
Изоҳ (0)