1998 йил Австралиянинг Мельбурн шаҳрида яшовчи 37 ёшли Билл Морганнинг юраги 14 дақиқа давомида уришдан тўхтаган. Сўнгра ҳаётга қайтган эркак лотереяда катта ютуқ ютиб олган. Унинг ҳаёти худди фантастик фильмга ўхшайди, деб хабар беради Daily Mail.
Бундан 20 йил аввал Морган 14 дақиқа-ю 38 сонияга юрак хуружи туфайли ҳаётдан кўз юмади. Сўнгра у комага тушиб қолади. Шифокорлар унинг қариндошларига унинг мияси аллақачон ўлганини ва махсус қурилмалардан узиб қўйишни масалаҳат беради. Бироқ Морган 15 кундан сўнг ўзига келиб, ётоқда ўтиришга муваффақ бўлади.
Орадан бир ой ўтиб, ҳаёт уни ажойиб совға билан сийлади. Морган сотиб олган лотереяга автомобиль ютуғи чиққан эди. ОАВ бундай ғайритабиий омадга қизиқиб қолди ва Австралия телевидениеси омад ҳақида ҳикоя ёзишга ҳаракат қилди. Юз берган воқеани такрорлаш учун улар Моргандан газета сотиладиган киоскдан лотерея чиптасини сотиб олишини сўради. Энг ҳайратланарлиси шундаки, Морган сотиб олган лотерея яна ютуқли эди. У бу сафар 250 минг доллар пулга эга бўлганди.
«Тўсатдан мени бир тонна ғишт билан уришгандек бўлди. Ҳозир яна бир юрак хуружи юз беради, деб ўйлаб қолгандим», – дейди дарҳол пулига уй сотиб олган Морган.
Мана орадан 22 йил ўтгач телевидение яна машҳурликка эришди. Морган эса ҳанузгача лотерея чипталарини сотиб олишдан чарчамайди, фақатгина ютуқлар чиқмаяпти холос.
Морганнинг айтишича, унга берилган «қўшимча» 22 йил учун ҳаётдан миннатдор, гарчи ҳозирда кичик кўнгилсизликлар бўлса ҳам. У доимо юрак хуружини келтириб чиқарадиган соғлиғидаги муаммолардан хавотирда. Шу сабабли нафақага чиқишга мажбур бўлди. Бундан ташқари, сурункали касаллик синглисини шифохонага михлаган, яқинлари оламдан ўтган.
«Ҳар куни тонгда уйғониб, табиат қўйнига чиқаман. Гарчи бутунлай соғлом бўлмасам-да, йўлларда сайр қиламан, атиргул исини ҳидлайман. Қуёшга боқиб, комадан кейин қанчалар бахтли эканимни ўйлайман», – деб сўзини якунлади Морган.
Изоҳ (0)