Ўзбекистон Давлат статистика қўмитаси 2020 йил январь—июль ойларида йирик саноат корхоналари томонидан айрим турдаги саноат маҳсулотларини ишлаб чиқариш ҳажми ҳақида маълумот берди.
Унга кўра, ўтган давр мобайнида енгил автомобиллар ишлаб чиқариш ҳажми ошган. 2019 йилнинг шу даврида 147 650 дона енгил автомобиль ишлаб чиқарилган бўлса, 2020 йилда ушбу кўрсаткич 168 711 донани ташкил этган.
Автомобиль ишлаб чиқариш саноатида 2020 йил январь—июль ойлари ишлаб чиқарилган автомобиллар ҳажми қуйидагича:
- Nexia Т-250 — 41 663 дона;
- Cobalt — 44 901 дона;
- Lacetti-Gentra — 30 368 дона;
- Damas — 30 889 дона;
- Spark — 16 370 дона;
- Labo — 4520 дона.
Автомобиль двигателларини ишлаб чиқариш эса кўпайган. 2019 йилда 114,6 минг дона двигатель чиқарилган бўлса, 2020 йилда — 137,2 дона. Бундан ташқари, 2020 йил январь—июль ойларида трактор ишлаб чиқариш ҳажми 630 донани ташкил этган (2019 йилда — 797).
Аввалроқ UzAuto Motors етти ойда ўтган йилгига нисбатан 22 минг дона кўп автомобиль чиқаргани тўғрисида хабар берилганди.
Изоҳ (0)