Илон Маскнинг SpaceX компанияси Starlink глобал интернет доирасида яна 58 та сунъий йўлдошдан иборат партияни орбитага учирди. Парвоз 18 август куни NASAнинг Канаверал саҳросидаги LC-40 старт комплексидан амалга оширилган.
Таъкидланишича, Falcon 9 ракетаси бешинчи маротаба космосга кўтарилиб, яна ортига қайтиб келган. У SpaceX’нинг олти маротаба учирилиб, муваффақиятли қўндирилган илк ракета-ташувчисига айланди. Бунга қадар у Crew Dragon’ни ХКСга, шунингдек, Starlink’нинг уч партия сунъий йўлдош интернетини орбитага учиришга қатнашган.
Бундан ташқари, ушбу парвоз SpaceX учун юбилейга айланган — 100-миссия ва Falcon 9 ракетасининг 92-маротаба учирилиши (у ҳозирда Америкада энг кўп қўлланилаётган ракета ҳисобланади).
Шунингдек, 2019 йилнинг май ойидан бошлаб Starlink сунъий йўлдоши интернет гуруҳи орбитага 11-маротаба олиб чиқилган. Бундан олдинги 57 та сунъий йўлдошли партия 7 август куни учирилган эди. SpaceX’нинг ҳозирги орбитал гуруҳи 595 та космик аппаратдан иборат.
Falcon 9 ҳамроҳ дастурлар доирасида Planet Lab компаниясига тегишли оғирлиги 100 килограмм бўлган учта масофавий зондлаш аппаратлари — SkySat’ни орбитага олиб чиқиши керак. 18 та сунъий йўлдошдан иборат мазкур гуруҳ Ер тасвирини 72 сантиметрга қадар аниқликда генерация қилишга қодир.
Falcon 9’s first stage has landed on the Of Course I Still Love You droneship – first time a booster has completed six flights! pic.twitter.com/A8bbTinGOA
— SpaceX (@SpaceX) August 18, 2020
Ракета-ташувчи бошқарилувчи қўнишни Канавералдаги космодромдан 630 километр узоқликдаги Атлантика океанида жойлашган Of course I still love you сузувчи платформасига амалга ошириши керак.
Шу билан бирга, Ms.Tree va Ms.Chief махсус денгиз қутқарув кемалари Атлантикада парашют орқали тушадиган ракета каллагини сув тўрлари орқали «тутиш»га уринган. Ушбу суйри двигателни бу сафар фақат Мs.Тrее тутишга муваффақ бўлган. Маълум қилинишича, ундан қайта фойдаланиш SpaceX компаниясига 6 миллион доллар тежаш имконини беради.
Аввалроқ Илон Маскнинг глобал интернети тезлиги тест вақтида 11-60 Мбит/сония кўрсаткични қайд этгани тўғрисида хабар берилганди.
Изоҳ (0)