Коронавирусдан касалланганлар сони бутун дунёда 22 миллион кишидан ошди

Бутун дунё бўйлаб коронавирус инфекцияси билан касалланганлар сони 22 миллион кишидан ошиб кетди. Бу ҳақда касаллик тарқалишини реал вақтда кузатиб келаётган Жонс Ҳопкинс университети маълумотларида келтирилган.

Июль ойининг охиридан буён COVID-19 билан касалланганлар сони 5 миллион кишига ортган — 30 июль куни уларнинг сони 17 миллион кишини ташкил этганди.

Эслатиб ўтамиз, дунёда коронавирусга чалинганлар сони 3 август куни 18 миллионга, 7 август куни 19 миллионга, 10 августда 20 миллионга етган, 15 август куни эса 21 миллиондан ошганди.

Коронавирусга чалиниш ҳолатларининг чорак қисми АҚШ ҳисобига тўғри келмоқда — 5,47 миллион. Унинг ортидан Бразилия (3,4 миллион) ва Ҳиндистон (2,7 миллион) ўрин олган. Россия эса 932,4 минг бемор билан тўртинчи поғонада кетмоқда.

Мазкур кўрсаткич энг юқори бўлган давлатлар ўнталигидан қуйидаги мамлакатлар ўрин олган:

• ЖАР — 592,1 минг;
• Перу — 541,4 минг;
• Мексика — 525,7 минг;
• Колумбия — 476,6 минг;
• Чили — 388,8 минг.