Малида исён қилган ҳарбийлар президент Иброҳим Бубакар Кейт ҳамда бош вазир Бубу Сиссе ҳибсга олинганини маълум қилди. Бу ҳақда France Press агентлиги хабар берган.
«Улар ҳозир зирҳли транспортда Кати томон йўл олган», — деган қўзғалончилар етакчиси.
«РИА Новости» агентлигининг Малидаги манбаси ҳам ушбу маълумотни тасдиқлаган. Россия ташқи ишлар вазирлигига ҳам Кейта ва Сиссенинг ҳибсга олингани ҳақида хабар келиб тушган.
Малидаги исёнМалида пойтахт Бамако шаҳри яқинидаги ҳарбий қароргоҳда исён кўтарилган. Оқибатда бир неча нафар вазир ва ҳукуматнинг бошқа юқори мансабдаги амалдорлари қўлга олинган. Улар орасида бош вазири ва президентнинг ўғли борлиги айтилганди.
Мамлакат ҳукумати қўзғалончи ҳарбийларга мурожаат қилиб, уларни ҳотиржам тарзда тинчлик йўли билан муаммони ҳал этишга чақирган. Маҳаллий ОАВ хабарларига кўра, исёнга полковниклар Дяу ва Камара, шунингдек, генерал Шейк Дембеле бошчилик қилмоқда.
Россия ТИВ Африка қитъаси мамлакатидаги вазиятдан хавотирда эканини билдирган. Малидаги воқеалар кейинчалик қандай кечиши борасида тахминлар ҳозирча мавжуд эмас.
Изоҳ (0)