Xiaomi компанияси Mi TV LUX Transparent Edition телевизори ҳамда Redmi К30 Ultra смартфони ўрин олган қатор янги қурилмаларини тақдим этди, деб хабар беради Hi-Tech.Mail.ru.
Redmi К30 Ultra
Смартфон MediaTek Dimensity 1000+ процессори базасида ишлайди. Девайс 6,67 дюймли AMOLED-дисплей билан жиҳозланган. Сиғими 4500 мА/соатга тенг аккумулятор 33 ваттли тезкор қувватланишга эга. Ташқи кўриниши билан қурилма Redmi’нинг сўнгги флагманларидан фарқ қилмайди.
Смартфон орқа тарафидан асосий датчиги 64 мегапикселлга тенг квадрокамера ўрин олган. Қолган объективлар ҳақида батафсил маълумот берилмаган, улардан бири кенг бурчакли ва иккитаси макро-линзали эканлиги маълум, халос. Афтидан камераларнинг охиргиси портрет суратларни олишда тасвир чуқурлигини ўлчашга хизмат қилади. Фронтал камера сирғалувчи механизм ичига «яширилган».
Смартфоннинг 6/128 гигабайтли версиясида нархи 295 доллардан бошланади. 8/512 гигабайтга тенг топ модель эса 392 долларни ташкил этади.
Mi TV LUX Transparent Edition
Янги Mi TV LUX диагонали 55 дюймга тенг. Унга 120 герц частотага эга OLED-экран ўрнатилган. Телевизор ўзининг ингичкалиги билан ажралиб туради — 5,7 миллиметр. Қурилма Smart TV MediaTEk 9650 процессори базасида қурилган бўлиб, у Dolby Аtmos технологиясини қўллаб-қувватлайди.
Телевизорнинг ўзига хослиги — панелининг тўлиқ шаффофлигида. Тақдимот суратларида Mi TV LUX Transparent Edition экранида тасвир пайдо бўлганида ҳам унинг ортидаги нарсаларни кўриш мумкин. Ноодатий қурилма нархи 7280 долларни ташкил этади.
Аввалроқ Xiaomi 23 дақиқада қувватлана оладиган Мi 10 Ultra флагманини тақдим этганди.
Изоҳ (0)