Кечаси яхши ухлай олмаслик ёки уйқу билан боғлиқ муаммоларнинг бир ҳафтадан ортиқ давом этиши, шифокорга мурожаат қилиш вақти келганини эслатади.
Қуйида сизга уйқусизлик қандай хавфли касалликлардан огоҳлантириши мумкинлиги ҳақида маълумот берилади.
Юрак касалликлари
Америка кардиология коллежи мутахассислари маълумотига кўра, юрак хасталиги билан оғриган беморларнинг 44 фоизи турли хил уйқу муаммоларига дуч келади. Шифокорлар фикрича, бу кун давомида қўл-оёқда тўпланиб, тунда бутун танага тарқаладиган суюқликнинг турғунлиги билан боғлиқ. Агарда уйқусизлик ёки кечаси тез-тез уйғониш ҳолати юз берса, шифокорга мурожаат қилиш ва юракни ЭКГ ва ультратовуш текширувидан ўтказиш керак.
Қалқонсимон без касалликлари
Гипертиреоз – қалқонсимон без функцияси кучайган ҳолатидир. Бу организмнинг метаболик функциясини ҳам тезлаштиради. Одамни ташвишланиш, асабийлашишга, шунингдек, қувватнинг кўпайишига олиб келади. Бундай ҳолат кечаси ухлашга тўсқинлик қилади.
Агарда шундай ҳолат кузатилса ёки қалқонсимон безнинг бошқа аломатлари сезилса эндокринолог билан боғланиш зарур.
Артрит
Артритли одамларнинг 80 фоизида уйқу муаммолари мавжуд. Бу нафақат оғриқ, балки организмда яллиғланиш жараёни билан юзага келади. Шунингдек, ташвишланишнинг кучайишига олиб келади.
Тунда ухлай олмайдиган, келажак ҳақида доимий ташвишланадиган одамларга безовталикка қарши дорилар ва албатта, артрит мутахассиси маслаҳати зарур.
Аллергия
Аллергиянинг бир тури ёки бошқасидан азоб чекаётган ҳар икки одамдан бири кечаси уйқу бузилиши ҳолатига дуч келади. Албатта, бу бурун билан боғлиқ бўлиши мумкин: қаттиқ сиқилиш ва буруннинг оқиши ухлашга халақит беради.
Агарда совуқ ёки грипп билан боғлиқ бўлмаган аксириш, қичишиш, йўталиш кузатилса, аллергологга мурожаат қилиш зарур.
Гормонал ўзгаришлар
Менопаузада ўртача ёш 51 ёш, аммо уйқу бузилишида гормонал ўзгаришлар бир неча йил олдин бошланиши ҳам мумкин. Менопауза даврида уйқуни яхшиловчи гормон ишлаб чиқариш камаяди.
Агарда менопауза даври бўлмаса, аммо уйқусизлик кузатилса, гинеколог-эндокринолог билан боғланиб, жинсий гормонларни таҳлил қилиш учун қон топшириш керак. Баъзида тунги уйқунинг бузилиши поликистик тухумдонлар синдроми ривожланишидан огоҳлантириши ҳам мумкин.
Паркинсон касаллиги ва Алцгеймер синдроми
Тунги уйқусизлик Паркинсон ва Алцгеймер каби ёшга боғлиқ когнитив касалликларнинг дастлабки белгиси бўлиши мумкин. Тунда уйғониш, уйқусизлик ва безовта оёқ синдроми – буларнинг барчаси невропатолог билан боғланиб, марказий асаб тизимининг ҳолатини текшириш учун сабабдир.
Тушкунлик
Уйқусизлик – доимий тушкунликда юрадиган одамларнинг тўртдан уч қисмига қўйиладиган ташхисдир. Тушкунлик нафақат уйқунинг бузилишига, балки тунги дам олишнинг етишмаслиги касалликнинг ривожланишига олиб келиши мумкин. Шунинг учун руҳий тушкунлик ҳолати тез-тез кузатилса, шифокор билан боғланиш жуда муҳимдир.
Изоҳ (0)