Samsung компанияси Galaxy Note20 линейкаси ортидан янги Galaxy S20 Fan Edition (Galaxy S20 Lite) смартфонини тақдим этишга тайёргарлик кўрмоқда. Geekbench бенчмарки саҳифасида қурилма модификацияларидан бирининг техник тавсифи пайдо бўлди, деб ёзади Gizmochina.
Қурилма SM-G780F модель рақами остида эканлиги маълум, стандарт S20 Lite’нинг коди эса SmG781B. Янги маълумотларга кўра, Fan Edition модели Exynos 990 процессори базасида ишлайди. Шунингдек, Snapdragon 865 процессорли модель ҳам тақдим этилади.
Galaxy S20 Fan Edition 8 гигабайт тезкор хотирага, базавий версиянинг ички хотираси эса 128 гигабайтга тенг бўлади. Смартфон Android 10 операцион тизимида ишлайди. Қурилма экрани янгиланган 120 герц частотага эга, бироқ ҳозирча қурилма ҳақида бошқа маълумотлар йўқ.
Гаджет дисплейидаги кичик қирқимдан битта фронтал камера ўрин олган — бу Samsung қурилмаларининг стандарт дизайнига айланиб улгурди — 32 мегапикселли. Дастлабки маълумотларга кўра, қурилма орқасида учта объективга эга йирик камера модули жойлашган: 12 мегапикселли асосий, 12 мегапикселли кенг бурчакли ва 8 мегапикселли телевик.
Ҳозирча Galaxy S20 Fan Edition нархи тўғрисида маълумотлар йўқ. Тадқимот 2020 йилнинг октябрига режалаштирилган.
Samsung компанияси Galaxy S20 Lite ҳамёнбоп флагманини тақдим этиши тўғрисида июль ўрталарида маълум бўлганди. Ўшанда Galaxy S20 Lite’нинг дисплейи ҳам арзонроқ моделга ўзгартирилиши мумкинлиги — унинг ўлчами бироз кичикроқ бўлиб, пикселлар сони камайиши айтилганди.
Изоҳ (0)