Британия қироллик оиласи вакили, шаҳзода Гарри Netflix томонидан суратга олинган «Парвоздаги қақнус» (Rising Phoenix) ҳужжатли фильмида суратга тушди. Бу ҳақда «Korrespondent.net» хабар берди.
Таъкидланишича, паралимпия ўйинлари иштирокчиларига бағишланган фильм 26 августда экран юзини кўради. Шаҳзода Гарри фильмда жанговар можароларда жароҳат олган собиқ ва амалдаги ҳарбийлар учун ташкил қилинган «Енгилмаслар ўйини» мусобақасининг асосчиси ролини ижро қилган.
«Бу дунёда спортдан бошқа сизни қоронғиликдан халос этиши мумкин бўлган нарса йўқ», — дейди Гарри фильмда.
https://youtu.be/-W7Bek4jvos
Netflix маълумотига кўра фильм инсон салоҳиятидаги хилма-хиллик, ногиронлик ҳақидаги дунёқарашни ўзгартиришга асосланган ҳаракат тарихи ҳақида ҳикоя қилади.
Аввалроқ Меган Маркл ва шаҳзода Гарри ҳақида «Қасрдан қочиш» номли фильми суратга олиниши ҳақида хабар берилганди.
Изоҳ (0)