XXI асрнинг бошланиши кинематографиянинг гуллаб-яшнаши билан тавсифланади. Бунга ажойиб эффектлар, мураккаб трюклар, компьютер графикаси кабиларни мисол қилиш мумкин. Замонавий Голливуд фильмларини суратга олишда томошабинлар эътиборини жалб этиш учун катта миқдорда сармоялар киритилмоқда. Уларга Голливуд фильмларининг энг қисқа, аммо ниҳоятда қиммат саҳналарини эслаш кифоя.
«Ванилли осмон» — ярим дақиқа учун миллон доллар
Нью-Йорк марказидаги одамларсиз Таймс-Сквер майдонида 30 сониялик эпизод учун «Ванилли осмон» фильми ижодкорлари 1 миллион доллардан ортиқ пул сарфлаган. Бунинг учун режиссёр Камерон Кроу Америка полициясидан майдонни уч соат давомида ёпишни сўраган. Одатда ушбу майдонда кун давомида 300 мингдан ортиқ одам ҳаракатланади.
«Перл Харбор» — 7 сонияга 5,5 миллион доллар
Майкл Беянинг «Перл Харбор» жанговар фильми жонли ва реал тарзда суратга олинган. Фильмни суратга олишда режиссёрлар ниҳоятда катта миқдордаги ҳарбий техникадан фойдаланган. Фильмнинг шундай бир саҳнасини томоша қилган калифорнияликлар чиндан ҳам уруш бошланди, деб ўйлаган. 2001 йилда суратга олинган ушбу фильм энг кўп портловчи моддаларни ишлатганлиги бўйича рекордлар қаторидан ўрин олди. Фильм ҳақли равишда Гиннеснинг рекордлар китобига киритилган. Режиссёрлар етти секундлик портлаш саҳнасига 5,500 миллион доллар сармоя киртиган.
«Парол ‘Балиқ-қилич’: Лос-Анжелос устида автобус парвози» қисқа метражли фильм учун 13 миллион доллар
Ушбу триллерда Голливуд юлдузлари – Холли Берии, Жон Траволта ва Хю Жекман кабилар рол ижро этганига қарамай, фильм муваффақиятсиз якунланди. Режиссёрлар учун энг қиммат саҳна 13 миллион долларга тушди. Сюжетдан CH-54 Flying Crane вертолёти ва унга боғланган автобус саҳнаси ўрин олган. Афсуски, авиация ускуналари осмонўпар биноларга ва бошқа томонларга қулаб тушди. Натижада кабеллар узилиб, автобус ағдарилади, одамлар ундан тушишади. Аслида ҳаммаси ҳам кўринганидек ваҳимали эмас. Одамлар автобусда кран ёрдамида кўтарилиб, кран ёрдамида тушади. Ажратилган бюджетнинг катта қисми қиммат ва махсус мураккаб эффектларни яратишга сарфланган.
«007: Спектр» — 4 сония учун 32 миллион доллар
Жеймс Бонд фильмни суратга олиш учун ўнта машина буюртма қилади, улар қўлда йиғиладиган машина эди. Атиги 4 сониялик саҳна учун бир кунда ясалган ўнта машинанинг еттитасигина ҳалокатга учраган. Автомобильлар билан 4 лаҳзали саҳнани суратга олиш учун режиссёрлар 32 миллион доллар пул сарфлади.
«Матрица: Қайта юкланиш» 2-қисм — 17 дақиқасига 40 миллион доллар
Машҳур «Матрица»нинг иккинчи қисми энг кўп сўралган трилогия бўлди. Фильмнинг ажойиб саҳнаси бор. Унда бош қаҳрамон Томас.А Андерсон ёки Нео агент Смитнинг қиёфадоши билан жанг қилади ва қўли билан унинг учар ўқларини тўхтатади. Айнан шу саҳна учун режиссёрлар жуда кўп пул сарфлаган. Чунки ушбу картинада бир қанча махсус эффектлардан фойдаланилган. Шунингдек, барча актёрлар фильмга суратга тушишдан аввал 8 ой давомида курашнинг нозик жиҳатларидан сабоқ олган.
Изоҳ (0)