Болливуд юлдузи, ижро маҳорати билан мухлислар қалбидан жой олган Акшай Кумар ҳақида қизиқарли маълумотлар билан бўлишамиз.
https://www.instagram.com/p/BoGZ7NTgp4E/
1. Асл исми Раджив Хари Ом Бхатия бўлган, 1967 йил 9 сентябрь куни Ҳиндистонда туғилган актёр Канада паспорти ва фуқаролиги эгаси ҳисобланади.
2. У 1987 йилда «Ааж» фильмида 4 сониялик роль ижро қилган ва фильмда Акшай ролини гавдалантирган бош қаҳрамон ижрочиси Кумар Гаурав ижросидан таъсирланиб, Мумбай судида исмини расман Акшай Кумарга ўзгартирган.
https://www.instagram.com/p/B8s2H8Hngze/
3. Акшай таэквондо спорт тури бўйича қора белбоғ соҳиби саналади. Бундан ташқари у Бангкокдалигида таиландча боксни ҳам ўрганган. Буни у жанг саҳналарини қойиллатишидан ҳам пайқаш қийин эмас.
4. Мумбайга қайтганидан кейин Кумар жанг санъати бўйича мураббийлик қила бошлаган. Унинг шогирдларидан бири моделлик билан шуғулланиб кўришни тавсия қилган ва шундан кейин у ушбу соҳада ўзини синашга қарор қилган. Қолаверса, у официант, ошпаз сифатида ишлаш ҳамда бир қанча фильмларда орқа фонда рақс тушишга ҳам муяссар бўлган.
5. 1992 йилда суратга олинган «Севги шалоласи» фильмидаги ижроси унинг Болливуддаги илк арзирли роли ҳисобланади. Бу роль унга насиб қилишига рекламага суратга тушиш учун кетиши керак бўлган самолётдан кеч қолгани сабаб бўлган. Улгурмаганидан ҳафсаласи пир бўлган Акшай портфолиоси билан киностудияга боради ва у ерда продюссер Прамод Чакраварти билан «Севги шалоласи» фильми учун шартнома имзолайди. Бундан аввал у «Онт» фильмида Шантипия ва Ракҳа Гулзар билан биргаликда суратга тушган ва фильм унчалик машҳурликка эришмаган.
6. Кумар каратэ бўйича олий япон мукофоти «Катана» ва қора белбоғ соҳиби ҳамдир. Бу ҳали ҳаммаси эмас, қаҳрамонимиз Канададаги Виндзор университетида фахрий доктор унвонини қўлга киритган.
7. Актёр актриса Твинкл Кханна билан турмуш қурган ва айни вақтда икки фарзанди бор.
https://www.instagram.com/p/BToPzoZh1at/
8. Акшай Кумар ижтимоий мавзудаги фильмларда суратга тушишдан қўрқмаслиги уни бошқалардан ажралиб туришига сабабчи бўлади. Бунга у ижросидаги «Лойиҳа. Тоза Ҳиндистон. Севги тарихи» фильми яққол мисол бўла олади.
9. У рол ижро қилган «Рустом», «Бейби», «26 бўлинма», «Падмен» фильмларида бўлса, миллат, адолат ва хурофот билан боғлиқ муаммолар кўтарилган.
https://www.instagram.com/p/B5uyuFmHPrf/
10. Шунингдек, актёр арсеналида комик ролларни ҳам учратиш мумкин. «Қирол Сингх», «Омадсизга кулди омад» ва «Тўла уй» фильмлари шулар жумласидан.
11. 2020 йилда Forbes томонидан эълон қилинган энг кўп ҳақ тўланадиган актёрлар рўйхати ўнталигидан Акшай Кумар исми ҳам ўрин олган.
Изоҳ (0)