Турк актёри Энгин Акюрек «Элчининг қизи» ва «Пул ва гул ишқи» сериалида бошқа яна қандай сериалларда роль ижро қилган ва партнёрларидан қай бири билан мос жуфтликни гавдалантирганига тўхталиб ўтамиз.
Берен Саат билан «Фотмагулнинг айби нимада?» сериали
Мазкур сериалдаги севишган жуфтлик томошабинларга мукаммал қилиб кўрсатилмаган, аксинча табиийликка интилган. Гўзал ва одатдагидек ижро ва бир хилликдан чарчаган мухлислар эса, Энгин ва Берен жонлантирган ролни илиқ қабул қилган.
Мелиса Сезен билан «Бир булут бўлсам» сериали
Ушбу сериалда Энгин, Нарин исмли қизга телбаларча ошиқ бўлган Мустафо ролини ижро қилган. Бош қаҳрамон қиз учун журнал муқоваларидек сохта ясалган эмас, ўзига хос чирой эгаси бўлган актриса Мелисанинг танланиши фильмнинг муваффақиятли чиқишига ҳисса қўшган.
Бергюзар Корел билан бирга «Бир ҳаёт, икки севги» фильми
Фильм сюжети алоҳида таъкидлашга арзимаса-да, Энгиннинг ушбу фильмдаги ишонарли қилиб гавдалантирилган қаҳрамон ижросини таъкидламай бўлмайди. Уни томоша қилиш орқали фильм ичига кириб кетган томошабин, Бергюзарнинг «Муҳташам юз йил» сериали юлдузи Халит Эргенчнинг рафиқаси эканини унутиб, Энгин билан ўрталарида нимадир бор дегандек хулосага келиши аниқ.
Ҳилял Алтинбек билан «Болалар сенга омонат» сериали
Ушбу фильмни томоша қилиб, актёрнинг Ҳилял билан жонлантирган образидан кўнгил тўлмаслиги мумкин ва бу табиий. Роль ҳар доим ҳам муваффақиятли ва омадли чиқмаслиги ва бу партнёр ёки турли омиллар билан боғлиқ бўлиши мумкин.
Туба Буюкустун билан «Пул ва гул ишқи» сериали
Ушбу жуфтликка алоҳида тўхталиб ўтмасликнинг иложи йўқ, чунки ҳар иккала кино вакили ҳам ташқи кўриниши ва ижроси билан ҳақиқатан бир-бирига мос севишганларни жонлантиришга муваффақ бўлган. Синьорина ва унга содиқ оддий оила фарзанди, комиссар бўлиб ишлайдиган йигит ҳақидаги воқеалар мухлисларни бефарқ қолдирмаган. Ушбу сериалдаги роли учун актёр «Эмми» мукофотига лойиқ деб топилган ва бу турк актёрлари томонидан сазовор бўлинган илк «Эмми» мукофоти бўлган.
Фаҳрия Эвжан билан «Ўлимга қадар» сериали
Бурак Ўзчивитнинг рафиқаси Фаҳрие ва Энгин эсда қоларли жуфтликлардан бирини ижро қилишга муяссар бўлган. Фаҳрие эса ролини маҳорат билан ижро қилишга урингани билан «Чолиқуши»да Бурак билан Фериде ролини гавдалантирганидек мукаммал чиқмаган. Бундан минг истеъдод ишга солингани билан актёрлар ўртасида ҳақиқий севги бўлса, ижро ҳам тамоман бошқача, самимий бўлади деган хулосага келиш мумкин.
Неслиҳан Атагул билан «Элчининг қизи» сериали
Ташқи кўриниши бошқа актрисалардан табиийдек кўрингани билан ажралиб турадиган Неслиҳан, ушбу сериалда қўнғироқ соч ва қирмизи лабли Наре ролини ижро қилган. Сериал суратга олинишидан аввал бош қаҳрамонлар эълон қилинганида, жуфтлик ижроси муваффақиятли чиқишига шубҳа қилганлар, у эфир юзини кўрганидан кейин фикрини ўзгартирган. Актёрлар кўриниши бир-бирига ўхшамагани билан уларнинг ҳар иккисининг ҳам ўзига яраша диққат тортадиган қиёфаси ва етарли ижод тажрибаси умумлашмаси сериалнинг кейинги қисмларини интиқиб кутилишига сабаб бўлган. Феъл-атвор жиҳатидан Энгин, қизиққон ва шубҳа-гумонларга берилувчи, Атагул эса ёш вақтида учраган психологик травмани енгиб, қизи учун оёққа турган аёл ролини ижро қилган. Аммо роль бошқа ҳаёт бошқа, актёр сериалда Неслиҳан билан севишганига қарамай, ҳаётда Наренинг рақиби Менекше ролини ижро қилган Тулкан Азкан билан учрашади.
Изоҳ (0)