«Ливерпуль» ҳужумчиси Садио Мане мухлислар талқинига кўра, Англия Премьер Лигасининг 2019/20 йилги мавсумидаги энг яхши футболчи деб топилди.
Профессионал футбол ассосиацияси (PFA) томонидан ўтказилган сўровномада 28 ёшли сенегаллик футболчи умумий овозларнинг 41 фоизини қўлга киритган. Кучли учликдан эса «Манчестер Сити» ярим ҳимоячиси Кевин де Брюйне (27%) ва Маненинг жамоадоши Трент Александер-Арнольд (17%) жой олган.
Эслатиб ўтамиз, аввалроқ де Брюйне Премьер Лиганинг энг яхши футболчиси, «Ливерпуль» бош мураббийи Юрген Клопп мавсумнинг энг яхши мураббийи, «қизиллар» ҳимоячиси Трент Александер-Арнольд эса мавсумнинг энг яхши ёш ўйинчиси деб топилганди.
«Ливерпуль» 2019/2020 йилги мавсумда 30 йиллик танаффусдан кейин Англия чемпионлигини қўлга киритди. Мусобақа жадвалида «қизиллар» энг яқин таъқибчиси «Манчестер Сити»ни 18 очкога ортда қолдирди.
Садио Мане эса ўтган мавсумда Премьер Лигада 35 та ўйин ўтказиб, 18 та гол ва 9 та голли узатмага муаллифлик қилди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)