«Ювентус» ҳужумчиси Криштиану Роналду Турин клубини тарк этмоқчи эмас.
CаlciоNews’га кўра, португалиялик футболчи жамоанинг янги бош мураббийи Андреа Пирло билан гаплашиб, унинг режаларини муҳокама қилган. Пирло Роналдуни «Ювентус»нинг асосий ўйинчиси эканлигига ишонтирган ва клуб уни сотмаслигини маълум қилган.
Ҳозирча ҳужумчи ўз атрофидаги миш-мишларга (жамоани тарк этиши ҳақидаги) эътибор бермаяпти.
Аввалроқ испаниялик таниқли журналист, футбол эксперти Гильем Баллаге «Ювентус» Роналдунинг юқори маоши туфайли ундан қутулишни истаётгани ҳақида хабар берганди. У Роналдунинг кўплаб клубларга, хусусан «Барселона»га ҳам таклиф қилганини даъво қилганди.
Маълумот учун, Роналдунинг «Ювентус» билан шартномаси 2022 йил ёзида якунига етади.
Роналду 2018 йил ёзида «Реал»дан «Ювентус»га ўтганди. Футболчи 2019/20 йилги мавсум Италия чемпионатида 33 та ўйин ўтказиб, 31 та гол уриб, 5 та голли узатмани амалга оширди.
Мавзуга доир:
- Криштиану Роналду ПСЖга ўтиб кетиши мумкин. Унинг агенти парижликлар билан учрашди
- Роналду Чемпионлар Лигасида 130 та гол урган илк футболчига айланди. Месси эса Криштианудан 16 та голга ортда қолмоқда
- Факт: Роналду «Ювентус»га келгач жамоанинг ҳеч бир футболчиси Чемпионлар Лигаси плей-оффида гол ура олмаган
Изоҳ (0)