Нидерландия терма жамоаси бош мураббийи Рональд Куман яқин вақтлар ичида «Барселона» бош мураббийи этиб тайинланиши кутилмоқда.
Мundo Deportivo хабарига кўра, мутахассис каталон клуби билан икки йиллик шартнома имзолайди.
Таъкидланишича, каталонияликлар раҳбарияти нидерландиялик мураббийни жамоа бош мураббийлиги учун энг яхши номзод деб ҳисобламоқда.
Аввалроқ Кике Сетьеннинг лавозимидан бўшатилгани ҳақида хабар берилганди. Бундан ташқари, спорт директори Эрик Абидалнинг ҳам клубдан кетиши кутилмоқда.
Қайд этиш жоиз, Рональд Куманнинг Нидерландия термаси билан шартномасида агар унга «Барселона»дан таклиф тушса, Евро—2020 дан сўнг ўз лавозимини тарк этиш имконини берадиган банд мавжуд.
Маълумот учун, Куман футболчилик фаолияти давомида 1989—1995 йиллар оралиғида «Барселона» сафида тўп сурган. 1998 йилдан 2000 йилгача эса у жамоа мураббийлар штабида фаолият юритган.
Изоҳ (0)