Ўзбек томошабинлари қалбидан жой олган актриса ижросидаги энг яхши фильмлар қайсилардан иборат эканига тўхталиб ўтамиз.
«Хазонрезги»
Мазкур фильм «Чолиқуши» асари муаллифи Рашод Нури Гултекин асари асосида суратга олинган. Таъсирли, оилавий қадриятлар ҳақидаги фильмларни севувчи томошабинларга «Хазонрезги»ни кўриш тавсия қилинади.
Сюжет
Оилавий муносабатларни ўзида акс эттирган сериалда опа-сингиллар жанжали, рафиқасини деб қамоққа тушган инсон тақдири ва яна бир қанча можаролар акс этади. Неслиҳан ушбу сериалда «Севги изтироби» да бирга суратга тушган Бурак Ўзчивитнинг рафиқаси Фахрия Эвжан билан бирга, иккинчи даражали рол ижро қилган.
«Ишқ соҳиллари»
Сериал актрисанинг бўлажак турмуш ўртоғи Кадир Доғулу билан танишишига сабабчи бўлган. «Ишқ соҳиллари», «Золушка» ҳикоясини эсга солади: Бой-бадавлат Мажит, оддий қиз Нериманга ошиқ бўлади.
Сюжет
Нериман рассом бўлишни ва ҳаётда кўп нарсага эришишни истайди. Кунларнинг бирида зиёфатга ташриф буюради ва Мажитнинг юрагидан жой олади. Қаттиққўл оиласи ва яхши кўрган йигити бўлган қаҳрамон қиз ҳаёти шундан кейин буткул ўзгариб кетади. Неслиҳан ушбу сериалда содда, шу билан бирга ҳаётга теран қарайдиган, нимани исташини биладиган қиз ролини ижро қилган.
«Севги изтироби»
«Эмми »мукофотига лойиқ деб топилган мазкур сериал, миллионлаб мухлислар қалбидан жой олишга муваффақ бўлган.
Сюжет
Неслиҳан мазкур сериалда ҳам рассом қиз ролини ўйнаган. Бой ва кибор оиланинг фарзанди автобусда оддий ва содда Камол билан танишиши воқеалар давомийлигининг бошланиши ҳисобланади. Оиласи, хусусан укасини деб уни телбаларча севадиган, аммо ўзининг заррача кўнгли бўлмаган Амирга турмушга чиқишга ва 60 қисм давомида азият чекишига тўғри келади. Неслиҳан ушбу сериалда севгисига содиқ шу билан бирга укасини деб севгисини қурбон қиладиган қиз ролини ижро қилган.
«Туб»
Динамик мини сериал ўзига хос сюжети ва актёрлар ижроси билан аҳамиятли.
Сюжет
Сахир ўз жонига қасд қилишга мойиллиги бор одамлар билан ишлайди, унинг вазифаси фалокатларни олдини олишдан иборат. Фаолияти давомида у хакер қиз билан танишади ва ушбу учрашув унинг иш ва ҳаёти ўзгаришига сабабчи бўлади. Неслиҳан ушбу сериалда бошқа роллари сингари романтик қиз қаҳрамонини жонлантирмаган. Мухлислар «Туб»ни томоша қилиш орқали, актрисанинг янги қирраларини ўзлари учун кашф қилишлар мумкин.
«Элчининг қизи»
«Элчининг қизи»да севги учбурчаги ва кескин бурилишларни учратиш мумкин. Йиллар ўтиши, турли воқеа-ҳодисалар юз беришига қарамай, фильм қаҳрамонлари ёшликда берган кўнгли ва севгисига содиқ қолади.
Сюжет
Наре ва Санжарнинг беғубор муносабатлари, Наре билан юз берган мудҳиш воқеа сабаб узилади. Лекин орадан 8 йил ўтишига қарамай чин туйғулар қалбларни тарк этмайди ва бир-бири томон интилаверади. Аммо бир вақтлар айрилган севишганлар ҳаётида турли тўсқинлик ва қийинчиликларга учрайди. Сериалда актриса, бир вақтнинг ўзида кучсиз ва кучли, ақлли ва туйғуларга бериладиган, севадиган ва нафратланадиган, тушунадиган аммо баъзида тушунишни истамайдиган, шу билан бирга фарзанди тақдири учун ҳеч нарсадан таб тортмайдиган мард аёл ролини гавдалантирган. Хулоса қилиб айтганда Неслиҳан, Нареда мужассам бўлиши керак бўлган барча эмоцияларни қойилмақом қилиб кўрсатиб бера олган.
Мавзуга доир:
Изоҳ (0)