Hindiston kinemotografiyasi yildan yilga mashhur bo‘lib bormoqda. Bollivudda har yili minglab film va seriallar suratga olinadi, muvaffaqiyat qozonganlari esa jahon e’tiboriga havola etiladi.

Hind aktyorlari ham o‘z hamkasblari bilan ham iqtidori, ham tashqi ko‘rinishi bilan bellashadi.

Mitxun Chakrabortining davri o‘tdi, ammo uning o‘rniga boshqa yosh aktyorlar kelib, minglab qizlar e’tiboriga tushdi.

Jon Abraham

Haqiqiy hind machosi. 60 ta filmda suratga tushgan. Ulardan eng mashhurlari: “Dada”, “Orzuning qora ko‘rinishi” va “Baykerlar”. Jon Hindistonda juda mashhur. U, shuningdek, fitness bo‘yicha o‘z blogiga ega.

45 yosh. Uylangan.

Arjun Rampal

Eng mashhur hind aktyorlaridan biri. Bollivudning eng kassabop filmlarida suratga tushgan. “Seni ko‘ryapman”, “Om Shanti Om” va “Sizni yaxshi ko‘raman, oyijon” filmlari shular jumlasidan. Bir qancha moda agentliklari va parfyumeriya brendlari bilan hamkorlik qiladi. Ma’lumoti bo‘yicha — iqtisodchi. Xayriya ishlarida faol qatnashadi. 13 nafar yetim bolani o‘z qaramog‘iga olgan.

45 yosh. Model Mexr Rampalga uylangan. 2 nafar qiz farzandi bor.

Saif Ali Xon

Aktyor va prodyuser Saif Ali Xon Hindistondan tashqarida ham mashhur. Chet elda ham film suratga oladi. Uning eng mashhur filmlari: “Toabad birgamiz”, “Salam Namaste” va “Ertangi kun keladimi?”.

48 yosh. Hozirda ikkinchi turmushi Karina Kapur bilan yashaydi. Bir nafar farzandi bor. Birinchi rafiqasi Amrita Singxdan ham 2 nafar farzandi bor.

Shahid Kapur

Mashhur sulola vakili. 43 ta filmda suratga tushgan. Hindiston bo‘ylab o‘z fan-klublariga ega. Uning ishtirokidagi eng mashhur filmlar: “Fasllar”, “Raqsga tush” va “Nikoh”.

37 yosh. Uylangan.

Imron Xon

Ispanlarning Enrike Iglesiasiga hindcha javob. Imron Xon o‘ziga to‘q hind oilasining farzandi. Buvasi mashhur hind rejissori, amakisi esa afsonaviy Amir Xon. Imron AQShda tug‘ilgan. 21 ta filmda suratga tushgan.

35 yosh. Aktrisa Avantika Malikka uylangan. Bir nafar farzandi bor.

Ritik Roshan

Hindistonning eng mashhur aktyorlaridan biri. Jangari filmlarda bosh qahramon rolini ijro etadi. Sog‘lom turmush tarzini targ‘ib qiladi. Bir qo‘lida 6 ta barmoq bilan tug‘ilgan. 45 ta filmda suratga tushgan.

44 yosh. Ajrashgan. 2 nafar farzandi bor.

Varun Dxavan

Hind aktyorlarining yangi avlodi. Varun eng yaxshi hind rejissorlaridan biri Devid Dxavanning o‘g‘li. Unga “Sevishganlar” va “Yil talabasi” filmlaridagi roli shuhrat keltirgan.

31 yosh. Uylanmagan.

Xarshvardxan Rane

Televideniyedagi ishi sabab ekranlarda ko‘rina boshlagan. Unga “Ont ichaman, sevgilim” filmi mashhurlik olib kelgan. 11 ta filmda suratga tushgan.

34 yosh. Uylanmagan.

Abxishek Bachchan

Bu aktyorning butun hayoti muvaffaqiyatga to‘la. Buyuk hind aktyori Abitabx Bachchanning oilasida tug‘ilgan. Shveysariyada moliya sohasida o‘qigan. Hindistonning eng go‘zal aktrisasi Ayshvariya Rayga uylangan. 75 ta filmda suratga tushgan. Eng mashhur filmlari: “Hech qachon alvido demang”, “Sohibjamol Laknau” va “Yaqin do‘stlar”.

42 yosh. Uylangan. Bir nafar qiz farzandi bor.

Shohruxxon

Foto: Instagram

Shohrux Xon yoshi o‘tayotgan bo‘lsa ham buyukligini yo‘qotmagan. U Bachchan va Chakraborti o‘ynagan hind filmlari va yosh avlod o‘rtasidagi davr aktyori hisoblanadi. E’tiqodi bo‘yicha musulmon. Hozirda filmdan ko‘ra ko‘proq televideniye bilan mashg‘ul. Lekin u 131 ta filmda suratga tushgan. Ulardan eng mashhurlari: “Gohi shodlik, gohi g‘am”, “Vir va Zara” va “O‘g‘irlanmagan kelin”.

53 yosh. Aktrisa Gauri Xonga uylangan. 3 nafar farzandi bor.