Енгил вазн тоифасида UFC чемпиони Ҳабиб Нурмагомедов америкалик яккакурашчи Жорж Сен-Пьерга қарши эҳтимолий жанги ҳақида гапирди.
Бу отамнинг орзусидаги жанг, бироқ вақт ўтяпти, Жорж яқинда 40 га киради. Сен-Пьер бу жанг бўлиш ёки бўлмаслиги ҳақида бир қарорга келиши керак. Агар октябрдаги Гэтжи қарши жангимда ҳаммаси яхши ўтса, у билан апрель ойида, Рамазондан аввал жанг қилсам мукаммал иш бўларди.Қайд этиш жоиз, Ҳабиб Нурмагомедов аввалроқ Жастин Гэтжидан сўнг айнан Жорж Сен-Пьер билан жанг қилмоқчилигини маълум қилганди.Мен бу жангни хоҳлаяпман, бу UFC’га ҳам қизиқ. Улар Гэтжига қарши жангим яхши ўтадиган бўлса, Сен-Пьер билан музокаралар ўтказилишини айтди.
У сўнгги бор 2007 йилда мағлубиятга учраган, мен эса фаолиятимни 2008 йилда бошлаганман. Иккимизникини қўшганда 25 йиллик мағлубиятсиз серия бўлади. UFC яқин ўн йил ичида қайтиб бундай жанг ташкил қила олади деб ўйламайман.
Ҳабиб Нурмагомедов, UFC чемпиони
Эслатиб ўтамиз, Жорж Сен-Пьер 2019 йилнинг февраль ойида расмий равишда MMA’даги фаолиятини якунлаган. Сен-Пьер умумий ҳисобда 28 та жанг ўтказиб, шулардан 26 тасида ғалаба (8 та нокаут) қозонган, 2 тасида эса имкониятни бой бериб қўйган.
Изоҳ (0)