Лионель Месси Чемпионлар Лигасида рекорд ўрнатди

«Барселона» Чемпионлар Лигасининг 1/4 финал босқичидан ўрин олган «Бавария»га қарши ўйинда (2:8) мағлубиятга учради.

Ушбу баҳс каталон клуби ҳужумчиси Лионель Месси учун Чемпионлар Лигаси 1/4 финал босқичларидаги 23-учрашув бўлди.

Шу тариқа Месси ушбу кўрсаткич бўйича мусобақа рекордини ўрнатди. «Барселона» ҳимоячиси Херард Пике ва жамоанинг собиқ ярим ҳимоячиси Андрес Иньеста ушбу босқичда 22 та ўйин ўтказган ҳолда, иккинчи ўринда бормоқда.

Месси «Барселона» академияси тарбияланувчиси ҳисобланади ва 2003 йилдан бери жамоанинг асосий таркибида тўп суриб келади. Унинг клуб билан амалдаги шартномаси 2021 йилгача мўлжалланган.