Yengil vazn toifasida UFC chempioni Habib Nurmagomedov amerikalik yakkakurashchi Jorj Sen-Pyerga qarshi ehtimoliy jangi haqida gapirdi.
Bu otamning orzusidagi jang, biroq vaqt o‘tyapti, Jorj yaqinda 40 ga kiradi. Sen-Pyer bu jang bo‘lish yoki bo‘lmasligi haqida bir qarorga kelishi kerak. Agar oktabrdagi Getji qarshi jangimda hammasi yaxshi o‘tsa, u bilan aprel oyida, Ramazondan avval jang qilsam mukammal ish bo‘lardi.Qayd etish joiz, Habib Nurmagomedov avvalroq Jastin Getjidan so‘ng aynan Jorj Sen-Pyer bilan jang qilmoqchiligini ma’lum qilgandi.Men bu jangni xohlayapman, bu UFC’ga ham qiziq. Ular Getjiga qarshi jangim yaxshi o‘tadigan bo‘lsa, Sen-Pyer bilan muzokaralar o‘tkazilishini aytdi.
U so‘nggi bor 2007-yilda mag‘lubiyatga uchragan, men esa faoliyatimni 2008-yilda boshlaganman. Ikkimiznikini qo‘shganda 25 yillik mag‘lubiyatsiz seriya bo‘ladi. UFC yaqin o‘n yil ichida qaytib bunday jang tashkil qila oladi deb o‘ylamayman.
Habib Nurmagomedov, UFC chempioni
Eslatib o‘tamiz, Jorj Sen-Pyer 2019-yilning fevral oyida rasmiy ravishda MMA’dagi faoliyatini yakunlagan. Sen-Pyer umumiy hisobda 28 ta jang o‘tkazib, shulardan 26 tasida g‘alaba (8 ta nokaut) qozongan, 2 tasida esa imkoniyatni boy berib qo‘ygan.
Izoh (0)