Енгил вазн тоифасида UFC чемпиони Ҳабиб Нурмагомедов Жастин Гэтжига қарши кечадиган жангда рақибини қайси услуб орқали енгмоқчи эканини айтди.
Тактика ҳақида
«Уни чарчаб қолишини биламан ва оёғидан олишга ҳаракат қиламан, Гэтжи бундан ҳимояланиб, янада кўпроқ чарчайди. Унинг кўзларига қараб ўзини қандай ҳис қилаётганини сўрашни истайман, биринчи раунддан кейин, иккинчисидан сўнг. Бу жанг узоқ давом этишини, унинг жанг давомида чарчаб қолишини истайман. Унинг ўзи жангларни эрта якунлашни ёқтиришини айтганди, энди қандай бўлишини кўрамиз. У туриб жанг қилишда Конордан яхши деб ўйламайман. Ҳозирча, жангчилик билимларим шундай демоқда».
Гэтжининг курашдаги салоҳияти ҳақида
«Унинг кураши ҳақидаги маълумотлар бўрттирилмаган. У курашган. Оёқда туришни билади. Жуда бақувват. Уни партерга ололмасам, ҳеч қандай муаммога дуч келмайман. «Стойка»да жанг қиламиз. Муаммо йўқ. Мен жуда кўплаб зарбаси яхши жангчилар билан олишганман, ҳам ҳаваскор, ҳам профессионал даражада. Улардан кейин юзимда ҳеч қандай кўкариш ва шилинишлар бўлмаган. Бу борада чидамлиман. Агар зарба қабул қилиб олсам нимадир содир бўлади деб ўйламанг. Агар тўғри келса — туриб жанг қиламиз. Бу борада ўзимга мутлақ ишоняпман».
Эслатиб ўтамиз, Ҳабиб ва Гэтжи ўртасидаги жанг 24 октябрь куни Абу-Дабидаги «Жангчилар ороли»да бўлиб ўтади.
Ҳабиб Нурмагомедов ва Жастин Жетжи иштирокидаги барча жанглар видеосини бу ерда томоша қилинг (видео)
Изоҳ (0)