15 августдан эътиборан Ўзбекистонда карантин чоралари босқичма-босқич бекор қилиниши эълон қилинган. 17 августдан мамлакатдаги барча масжидларда беш вақт намозни жамоат билан адо этиш йўлга қўйилади. Ўзбекистон мусулмонлари идорасининг Тошкент шаҳар вакиллиги масжидларга кириш тартиби, бунда санитария-гигиена қоидаларига риоя қилиш, суннат ва фарз намозларда сафда туриш бўйича тартиб ҳақида видеоқўлланма ишлаб чиқди.
Унда барча намозхонлар масжидларда жорий этилган санитария-эпидемиологик қоидалар баён қилинган.
Асосий қоидалар қуйидагилардан иборат:
- масжидларга кириш йўлаги бирламчи дезинфекциялаш воситалари, пирометрлар (контактсиз ҳарорат ўлчагич) билан таъминланади;
- ҳар бир фуқаро масжид ичида тиббий ниқобда бўлиши, ҳудудга киришда қўлларига антисептик дезинфекциялаш воситасини сепиши ёки совунлаб ювиб олиши керак;
- масжидга ташриф буюрган ҳар бир шахснинг касаллик аломатларини текшириш (ҳарорат ўлчаш ва ташқи аломатлар), тана ҳарорати 37 даража ва ундан юқори бўлган ҳолатда фуқароларни алоҳидалаш ва 103 рақами орқали тез тиббий ёрдамга хабар бериш зарур;
- ибодат вақтида ижтимоий масофаланишни сақлаш, фуқаролар орасидаги масофани 1,5 метр этиб белгилаш (махсус чизиқлар ёрдамида катакларга ажратган ҳолда) талаб этилади;
- ҳар бир масжиднинг кириш қисмига касалликдан сақланиш, ҳудудда карантин талабларига қатъий амал қилиш, хусусан, 65 ёшдан катта фуқароларни масжидларга вақтинча ташриф буюрмай туриши тавсия этилиши тўғрисидаги ахборот лавҳалари ўрнатилади;
- масжид маъмурияти томонида иш фаолиятни карантин даврида ташкил этиш бўйича тегишли буйруқ ва ички тартибларни ишлаб чиқиш (бунда ёши 65 ёшдан улуғ фуқароларни вақтинча ташриф буюрмай туришини тавсия этиш) йўлга қўйилади;
- масжидларда жума намози вақтинча адо этилмайди;
- ҳудудий санитария-эпидемиология хизмати ходимлари томонидан масжидларнинг барча ходимлари билан тушунтириш ишлари ташкил этилади;
- ушбу хизмат томонидан белгиланган муддатда (ҳар 3 кунда ёки ҳафтада бир марта) масжидлардаги санитария-эпидемиологик ҳолатни ўрганилади ва бу борада тавсиялар берилади;
- масжидлар бинолари ва ҳудудини ҳар куни дезинфекция қилиш, хоналарни шамоллатиш ишлари бажарилади;
- масжидга кириш ва чиқиш жойларида аҳолининг тўпланишига қатъий йўл қўймаслик таъминланади;
- таҳоратхонадан зарур шароитлар яратилади (бир марталик сочиқ-салфетка, антисептик воситалар, суюқ совунлар билан таъминланади, қисқа муддатларда дезинфекция қилинади) ижтимоий масофаланишни сақлаган ҳолда фойдаланилади.
Изоҳ (0)