Швейцариянинг Ўзбекистондаги элчихонаси Халқ таълими вазирлиги ҳузуридаги Инновация, технология ва стратегия марказига 150 минг АҚШ доллари миқдорида грант ажратди, деб хабар беради марказ матбуот хизмати.
Бу билан Швейцария ИТСМ томонидан амалга оширилаётган «Мактаб таълими учун масофавий ўқитишни йўлга қўйиш» лойиҳасига ҳисса қўшаётган маҳаллий ва халқаро ҳамкорлар қаторига қўшилди.
Ушбу лойиҳа доирасида Maktab.uz масофавий ўқитиш учун онлайн таълим платформаси яратилади. Бундан ташқари, ўқитувчилар психологик ва касбий қўллаб-қувватланадилар, зарур ҳолларда компьютер ускуналари билан таъминланадилар.
Маълум қилинишича, лойиҳада иштирок этадиган ўқитувчилар ҳар бир видеодарс учун ҳисобланган қўшимча қийматнинг 25 фоизини, имо-ишора тили ўқитувчиларига эса 50 фоизни оладилар.
Ўқув дастури STEAM дастурларига асосланади. Шунингдек, лойиҳа Discovery, National Geographic ва BBC телеканалларидан оммабоп илмий фильмларни намойиш этади.
Мавзуга доир:
- Coursera Ўзбекистондаги ўқитувчилар ва юқори синф ўқувчиларига бепул таълим олиш имкониятини тақдим этади
- Ўзбекистон мактабларида ўқувчиларни касбга ва олий таълимга тайёрловчи янги фан йўналишлари жорий этилади
- Халқ таълими вазирлиги «Онлайн мактаб» янги ўқув йилида ҳам давом эттирилиши мумкинлигига изоҳ берди
Изоҳ (0)