Тошкент шаҳар Олмазор туманида 3 та автомобилни уриб, воқеа жойидан яширинган ҳайдовчи қўлга олинди. Бу ҳақда шаҳар ЙХҲББ хабар бермоқда.
Маълум қилинишича, Олмазор туманида ҳудудида 3 та жойда ЙТҲ содир қилган Nissan автомобили қидирувга берилган. Тезкор тадбирлар натижасида автоулов топилган.
Ҳайдовчининг спиртли ичимликлар ичганлигини аниқлаш учун экспертизага олиб келинган ва Nissan ҳайдовчисида мастлик ҳолати аниқланган.
Қайд этилишича, Nissan автомобили тегишли тартибда жарима майдончасига юборилган. Ҳайдовчига эса маъмурий баённома расмийлаштирилган.
Аввалроқ Қамчиқ довонида ҳайдовчининг ҳушёрликни йўқотиши оқибатида Cobalt йўлдан чиқиб кетгани, Бухорода носоз «Москвич» ариққа тушиб кетиши оқибатида икки киши ҳалок бўлгани ва Жиззахда Lada Largus ҳамда Isuzu юк машинаси иштирокида ЙТҲ содир бўлиши оқибатида икки нафар йўловчи вафот этгани ҳақида хабар берилган эди.
Изоҳ (0)