Хитойнинг Гуанчжоу шаҳрида эгаси сотишдан бош тортган уйни айланиб ўтган шоссе қурилди. TJournal’нинг ёзишича, шаҳар расмийлари уй эгасидан ерни сотиб олишга 10 йил давомида ҳаракат қилган, лекин бунинг уддасидан чиқа олмаган. Шу сабабли лойиҳага ўзгартириш киритилган ва уй тўрт полосали кўприкнинг ўртасидаги чуқурликда қолган.
Уй эгасининг маҳаллий журналистларга билдиришича, унга морг яқинидаги уйга кўчиб ўтишни таклиф қилишган, лекин у бунга рози бўлмаган. Бошқа манбаларга кўра, у ер участкаси эвазига тўртта квартира талаб қилган ёки жуда қиммат нарх айтган.
Қайд этилишича, уй эгаси янги шароитга кўниккан ва ўзини жуда қулай ҳис қилмоқда.
Хитойда бундай ҳолатлар кўплаб учраб туради. Қурувчиларни сметага ўзгартириш киритишга мажбур қиладиган уй эгаларини «михлар» деб аташади. Бундай уйлар сайёҳларни ўзига жалб этади, маҳаллий ОАВлар эса унинг тақдирини кузатиб боради.
Изоҳ (0)