АҚШ президенти Дональд Трамп матбуот анжуманидаги чиқиши кутилмаганда тўхтатилиб, у минбардан олиб чиқиб кетилди. Кейинроқ президент яна журналистлар қаршисига қайтган, деб хабар беради CNBC.
Телеканал маълумотларига кўра, махфий хизмат ходимлари брифингда Трампнинг чиқиши бошланганидан бир неча дақиқа ўтиб уни тўхтатиб қўйган ва президентни Овал хонага олиб кетишган. Бироз ўтиб Трамп қайтиб келган ва бунга Оқ уй қаршисидаги отишма сабаб бўлганини маълум қилган.
President Trump was rushed out of the White House briefing room Monday evening and later said the Secret Service had shot someone nearby. https://t.co/RrzvQqqQT4 pic.twitter.com/LdU94gVZZY
— ABC News (@ABC) August 10, 2020
«Эҳтимол, отишма менга боғлиқ эмас. Балки бунга бошқа бирор нима сабаб бўлгандир», — деган Трамп.
Америка етакчисининг таъкидлашича, содир бўлган воқеанинг барча деталларидан у хабардор эмас. Унинг сўзларига кўра, ўт очган шахс бир киши бўлган. Махфий хизмат ходимлари эркакни жароҳатлаган, шундан сўнг у шифохонага олиб кетилган.
US President Donald Trump leaves news conference after reports of shooting outside White House https://t.co/VKj77JRawI pic.twitter.com/NLVB70nr2w
— BBC Breaking News (@BBCBreaking) August 10, 2020
«Нима бўлишини кўрамиз. Бу жуда ноодатий, ҳайратга тушдим. Махфий хизмат ходимларидан ҳеч кимга жароҳат етмаган», — дея қўшимча қилади Трамп.
CNBC маълумотларига кўра, ярадор эркак ҳушсиз ҳолатда Жорж Вашингтон университетидаги шифохонага олиб кетилган. Ҳуқуқ-тартибот органларининг маълум қилишича, махфий хизмат ходими эркакнинг кўкрагидан жароҳатлаган.
Изоҳ (0)