Хиросима ва Нагасаки: 75 йиллик даҳшат кўлами суратларда
75 йил аввал – 1945 йил 9 августда Япониянинг Нагасаки шаҳрига АҚШ кучлари ядровий бомба ташлаган. Тарихда иккинчи ва охирги марта ядровий қурол ҳарбий мақсадда қўлланилиши оқибатида (биринчи марта унда уч кун аввал — ўша йилнинг 6 августида Япониянинг Хиросима шаҳрига шу турдаги бомба ташланган эди) Нагасакида ўн минглаб одамлар ҳалок бўлди, юз минглаб одамлар майиб-мажруҳ бўлиб қолди. Қуйидаги фотожамланмада ана шу даҳшатли ҳодисалар тарихи ва жабрдийдаларнинг фотосуратларини томоша қилишингиз мумкин.
Хиросима ва Нагасаки шаҳарларининг атом бомбаси ҳужумига учраши инсоният тарихида ядро қуролидан фойдаланишнинг ягона тажрибаси бўлиб турибди. Ҳужум АҚШ Қуролли кучлари томонидан Иккинчи жаҳон урушининг якуний босқичида амалга оширилган.Фото: Reuters
1945 йил 16 июлда АҚШнинг Нью-Мексико штатидаги полигонда дунёдаги илк атом бомбаси синови муваффақиятли ўтказилди. Портлаш кучи 21 килотонна тротилга тенг бўлди.Фото: Zuma
1945 йил 6 август куни эрталаб АҚШнинг B-29 Enola Gay номли бомбардировкачи самолёти экипаж командири полковник Пол Тиббетс бошчилигида Япониянинг Хиросима шаҳрига Little Boy («Кичик бола») деб аталган атом бомбасини ташлади. Бу бомбанинг кучи 13–18 килотонна тротил эквивалентига тенг эди.Фото: AP Photo
Хиросимида умумий вафот этганлар сони 90 мингдан 166 минг нафарга етган.Фото: AP Photo
«Энола Гай» самолёти учувчи Пол Тиббет томонидан онаси Энола Тиббетснинг шарафига қўйилган. Айни пайтда самолёт АҚШ авиация ва космонавтика Миллий музейида жойлашган.Фото: Reuters
Орадан уч кун ўтиб, 1945 йил 9 август куни Fat Man («Бақалоқ») атом бомбаси Нагасаки шаҳрига ташланди. Бу бомбанинг кучи 21 килотонна тротил эквивалентига тенг эди.Фото: AP Photo
Биринчи портлашдан сўнг Хиросимадаги кўплаб маҳаллий ёнғинлар улкан оловли ҳалқага айланган. Шаҳар деярли ер юзидан суриб юборилган.Фото: Reuters
Илк режага кўра 11 августда Кокура шаҳрига ҳужум қилиниши, Нагасаки эса захира эди. Об-ҳаво сабабли ҳужум 2 кун олдинга сурилган. Кокурани сўнгги дақиқаларда булутли ҳаво қутқарган.Фото: AP Photo
Нагасакида вафот этганлар сони 60 дан 80 минг кишигача етган.Фото: Reuters
Портлаш натижасида 80 минг киши дарҳол ўлган бўлса, 40 минг нафар одам жароҳат олган, 12 минг нафар одам бедарак йўқолган.Фото: US Archives
Бугун Японияда 136 минг нафар хибакусялар, яъни ҳужумдан омон қолганлар яшашади. Уларнинг ўртача ёши 83 ёш.Фото: Reuters
Хиросима ва Нагасакида ҳужумга учраган аҳоли лейкемия ва нурланишдан келиб чиққан бошқа касалликлардан ҳалок бўлган. Туғилган болаларда эса генетик камчиликлар юзага келган.Фото: AP Photo
Хиросимада ҳужум маҳаллий вақт билан 08:15 да содир бўлган.Фото: Vostok Photo
Нур одамларнинг баданларида кийимларнинг, деворларда эса одамларнинг изларини қолдирган.Фото: US Archives
Портлашдан бир неча кунлар ўтиб тиббиёт ходимлари дарҳол аниқлай олмаган касалликларнинг белгилари юзага чиқишни бошлаган.Фото: US Archives
Зарар кўрган японлар ишга жойлаша олмас, оила қура олмас эди. Улар «тегиниб бўлмас жамоа»га айланган эди.Фото: AP Photo
1945 йилнинг 9 августида АҚШ Нагасакига янада кучлироқ бомба ташлаган, 15 августда эса Япония капитуляция эълон қилган.Фото: AP Photo
6 август Хиросима қурбонларини ёд этиш куни сифатида тарихда қолди. Бутун дунё, жумладан, АҚШда ҳам ядро қуролини йўқ қилишга қаратилган акциялар ўтказиб келинади.
Изоҳ (0)