«Ювентус» раҳбарияти Маурицио Сарри истеъфога чиқарилгач, унинг ўрнига янги бош мураббий қидирмоқда.
Номзодлардан бири сифатида «Лацио» устози Симоне Инзаги кўрилмоқда, дея хабар қилмоқда Sky Sports Italia. Унинг римликлар билан амалдаги шартномаси 2021 йилга қадар мўлжалланган.
Бундан ташқари «Ювентус» бошқарувига Андреа Пирлони олиб келиш варианти ҳам мавжуд.
Июль ойининг охирида 41 ёшли мутахассис «Ювентус» U-23 жамоаси бош мураббийи этиб тайинланганди.
«Ювентус» Сарри қўл остида 2019/20 йилги мавсумда А Серия ғолибига айланди. Бироқ жамоа Италия Кубоги финалида «Наполи»га имкониятни бой берди ва Чемпионлар Лигаси 1/8 финалида «Лион» тўсиғидан ўта олмади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)