Американинг Шимолий Каролина штати олабалиқ (форель балиғи) ови, тоғли ҳудудларда сайр қилиш ҳамда айиқлари (зич жойлашган) билан машҳур. Биргина 90 минг аҳолиси бўлган Ашевилле шаҳрида 100-200 га яқин айиқ мавжуд. Бу каби хавфли «қўшнилар» одамлар билан ёнма-ён яшашга ўрганиб қолган ва улар ҳам кўпинча турар жой кўчаларида сайр қилади.
Фото: «Домашний очаг»
Ашевилле яқинида яшовчилардан бирининг ҳовлисига айиқ бутун оиласи билан ташриф буюрган. Улар болаларнинг ўйин майдончасини эгаллаб олган. Айиқчалар ўзини барча болалар каби тутган: арғимчоқда учган, тўполон қилган, сирпанчиқ учган. Она айиқ ҳам худди инсонлардек болаларининг шовқинига бепарвогина дам олган.
Видео муаллифи ўрмондан келган меҳмонларни кузата туриб, она айиққа тегишли болалар аслида учталигини сезган. Унинг фикрига кўра, иккита айиқча бошқа айиқнинг боласи бўлиб, одатда улар онаси ўлган етим айиқчаларни асраб олади.
Албатта, бирданига беш айиқни боқиш ҳам қийин, ҳам масъулиятли иш. Кўп болали оналар ҳам доимо фарзандлари болалар майдончасида ўйнаётганида бирозгина дам олишни хоҳлайди.
Энг қизиғи, айиқчалар шовқин кўтарганда, она айиқ уларга икки марта дакки бериб, тинчлантирган. Нима бўлганда ҳам меҳмонлар ўзини жуда яхши тутган. Етарлича ўйнаб бўлгандан сўнг, қувноқ айиқлар оиласи уй эгасига ҳеч қандай ноқулайлик туғдирмасдан ўйингоҳни тарк этган.
