Нью-Йорк штатидаги Бўриларни қўриқлаш марказида яшовчи жуда дангаса бўриларнинг YouTube’даги видеоси салкам 3 миллион маротаба томоша қилинди. Ташкилот ходимлари интернет фойдаланувчиларига Boredpanda лойиҳасидаги жониворлар ҳақида батафсил сўзлаб берди.
Марказда Алава («ширин нўхат») ва Зефир («енгил ёки ғарбий шамол») лақабли йиртқичларни жамоатчиликка бўрилар ҳаёти ҳақида кўпроқ нарсани ўргатиш ва уларнинг табиат экотизимидаги ролини англашда ёрдам берадиган элчилар деб аташади.
Кўпчилик ой ёруғидаги бошини юқорига кўтариб увиллаётган бўриларни томоша қилишга ўрганган. Бироқ Алава ва Зефир жуда дангаса. Уларнинг ётиб олиб увиллаётгани тасвирланган видео интернетда машҳурликка эришди.
Йиртқичлар бир-бири билан жуда яқин ҳамда деярли барча нарсани бўлишади: ўйнайди, увиллайди ва бир-бирига қарайди.
Алава ва Зефир 2011 йилда туғилган. Уларнинг Никаи лақабли кичкина укаси ҳам бўлиб, у Алава ва Зефирнинг Бўрилар ҳимояси марказидаги миссияларини бажаришида муҳим ёрдам кўрсатади.
«Ушбу бўрилар бизга ёввойи табиатни қадрлашимиз кераклигини, ҳайвонларнинг барча турларини сақлаб қолиш учун ғамхўрлик қилишимиз лозимлигини эслатиб туради», — дейилади ташкилот хабарида.
Изоҳ (0)