Хитойда «Хагупит» тўфони 190 метр баландликдаги Линфэн тоғ шаршарасининг тескари оқишига сабаб бўлди, деб хабар беради «РИА Новости».
Кадрда тушаётган сув худди шамолда эсиб оқаётган каби кўринади. Хитойнинг Чжэцян провинциясида юз берган кучли «Хагупит» тўфони сабаб шамол тезлиги соатига 136 километрга етган. Баъзи шарқий соҳил бўйларида тўрт метрдан баланд бўлган тўлқинлар қайд этилган. Бунинг оқибатида 380 мингдан ортиқ одам эвакуация қилинган.
Автомобиль ва темир йўл алоқалари узилган ва поездлар бекор қилиниб, баъзи магистрал йўллар ёпилган ва кўплаб уйлар электрсиз қолган.
Тинч океани орқали келган «Хагупит» тўфони – Хитойда 2020 йилда содир бўлган тўртинчи тўфондир.
Изоҳ (0)