Лос-Анжелесдаги ҳайвонот боғи ходимлари ташриф буюрувчилар орасида машҳурликка эришган шерлар жуфтлигини заҳарлаб ўлдириш бўйича қарор қабул қилди. Бу ҳақда ҳайвонот боғининг Facebook’даги расмий аккаунти орқали маълум қилинган.
Бунга иккала ҳайвоннинг ҳам авҳоли ёмонлашгани сабаб бўлган: улар қариб қолган ва турли касалликларга чалинган. Шерлар бир-бирисиз яшамаслиги учун уларни биргаликда эвтаназия қилишга тўғри келган.
«Хубер ва Калиса Лос-Анжелес ҳайвонот боғининг муҳим қисми эди. Ходимлар ва ташриф буюрувчилар уларнинг бир-бирига бўлган содиқлигидан ҳайратга тушарди. Шерлар ҳайвонот боғига олти йил олдин келганди ва тезда қалбимиздан жой олди. Машҳур жуфтлик билан видолашиш қанчалик оғир бўлмасин, улар биргаликда кетганини ўйлаб, ўзимини овутмоқдамиз», — дейди ҳайвонот боғи директори Дениз Веррет.
Ушбу шерлар турли жойларда туғилган — Чикаго ва Сиэтлда. Улар 2014 йили Лос-Анжелес ҳайвонот боғига олиб келинганида танишиб олган. Ўшандан буён йиртқичлар бир-биридан умуман узоқлашмаган.
Табиатда шерлар 10-14 йил умр кўради, тутқинда эса 20 йилга қадар яшаши мумкин.
Изоҳ (0)