Хамес Родригес «Реал»дан кетади. Унинг хизматларига икки гранд клуб даъвогар

«Реал» ярим ҳимоячиси Хамес Родригес учун янги даъвогар пайдо бўлди.

Le10Sport нашрининг хабар беришича, 29 ёшли колумбиялик футболчининг агенти Жорже Мендеш мижозининг хизматларини ПСЖ таклиф қилган.

Манбага кўра, «Реал» Хамеснинг трансферидан 35 миллион евро ишлаб олмоқчи, ПСЖ эса ушбу суммага яқин бўлган маблағни тўлашга тайёрлигини билдирган.

Аввалроқ «Манчестер Юнайтед»нинг Хамес учун 25 миллион евро тўламоқчи бўлгани тўғрисида хабарлар тарқалганди.

Маълумот учун, Хамес «Реал» сафида 2014 йилдан (2017—2019 йилларда «Бавария»да ижарада бўлди) бери тўп суриб келади. У мадридликлар сафида Испания чемпионати ҳамда мамлакат Суперкубогида, шунингдек, икки мартадан Чемпионлар Лигаси, клублар ўртасидаги Жаҳон чемпионати ва УЕФА Суперкубогида ғолиб бўлган.

Хамес Родригеснинг «Реал» сафида урган қойилмақом 25 та голи (видео)

Испания Ла Лигасининг 2019/20 йилги мавсумда Хамес Родригес 7 ўйинда майдонга тушиб, 1 тадан гол ва голли узатмага муаллифлик қилди. Унинг «Реал» билан шартномаси 2021 йилнинг ёзигача мўлжалланган.