«Тоттенҳэм» бош мураббийи Жозе Моуриньо исм ва фамилияларнинг нотўғри талаффуз қилинишига тоқат қилолмаслиги ҳақида гапирди.
Португалиялик мутахассис Лондон клуби ҳақидаги «Ҳаммаси ёки ҳеч нарса» номли ҳужжатли фильмда ҳимоячи Яфет Тангангадан исмини қандай айтса тўғри бўлиши ҳақида сўрайди. Жавобни олганидан сўнг Моуриньо кўпчилик унинг исмини нотўғри талаффуз қилишидан шикоят қилади.
«Исмларнинг нотўғри талаффуз қилиниши асабимни бузади. Ҳамма менинг исмимни нотўғри талаффуз қилади. Улар мени Хосе деб атайди. Мен Хосе эмасман, менинг исмим Жозе», — дейди Моуриньо.
Эслатиб ўтамиз, Жозе Моуриньо 2019 йилнинг ноябрь ойида «шпорлар» билан 2023 йилгача мўлжалланган шартнома имзолаган. Жамоа унинг қўл остида 2019/20 йилги мавсумни (АПЛ) 7-ўринда якунлади.
Мавзуга доир:
- «Арсенал»нинг Англия Кубогидаги ғалабаси сабаб «Тоттенҳэм» Европа Лигасини саралаш босқичидан бошлайди
- Клоппдан Гвардиолагача. Сўнгги ўн йилликнинг энг яхши мураббийлари ҳақида
- Моуриньо АПЛда 200-ғалабасига эришди. Жозедан олдин бундай натижага фақат 4 нафар мураббий эришган
- Рамосдан Азаргача. Жозе Моуриньо билан муроса қилолмаган футболчилар ҳақида
Изоҳ (0)