«Бавария» ҳужумчиси Роберт Левандовски севимли мураббийлари ҳақида гапирди.
«Менинг энг севимли мураббийим — Юрген Клопп. Иккинчи ўринда эса Хосеп Гвардиола. Клоппнинг гўё икки хил шахси бордек. У футболчиларга худди ота каби меҳрибон. Иккинчи кўриниши эса профессионал мураббий. У сизга исталган нарсани айтиши мумкин. Яхши нарсаларни назарда тутмаяпман. Юрген ёмон нарсалар ҳақида гапиришни боплайди.
Клопп футболчиларни илҳомлантира олади. У ўз ишини мукаммал бажаради, чунки футболчиларни бошқаришни билади. Шу билан бирга у жудаям яхши инсон», — дейди Левандовски.
Маълумот учун, Левандовски Клопп билан «Боруссия Д»да, Гвардиола билан эса «Бавария»да бирга ишлаган. Германия Бундеслигасининг 2019/20 йилги мавсумида польшалик футболчи 31 та ўйинда майдонга тушиб, 34 та гол ва 4 та голли узатмага муаллифлик қилди.
Мавзуга доир:
Изоҳ (0)