Неслиҳан Атагул турмуш ўртоғи билан танишиши ҳақида: «Буни бир кўришдан севги деб айта олмайман»

«Севги изтироби», «Элчининг қизи» каби сериаллардаги образлари орқали ўзбек томошабинларнинг севимли актрисасига айланиб улгурган Неслиҳан Атагул Доғулу «Ўша лаҳзалар тарихи» дастурида Бурак Ўзжаннинг саволларига жавоб берди. Шунингдек, гоҳ қатъиятли, гоҳида маъсума ролида намоён бўлаётган актриса болалиги ҳамда оилавий ҳаёти ҳақидаги маълумотларни айтиб ўтди.

«У кунни унута олмасам керак. Пуфаклар учун қарздор бўлганимда уч кун кўчага чиқа олмаганман».

Неслиҳаннинг болалиги Истанбулда ўтган. «Мен қанчалик қайсар бўлмай, шунга яраша масъулиятли ҳам эдим. Онам ҳамиша ишда бўлгани учун ёлғиз қолардим. Акам билан турли ўйинлар ўйнардик. Айниқса, маҳалладаги болалар билан ўйнаб, пуфаклар учун қарздор бўлганим ёдимда. Ўшанда уч кун кўчага чиқмаганман», – дейди актриса.

«Актриса бўлиш истагида қандайдир агентлик топиб, номаълум рақамга қўнғироқ қилганман».

Саккиз ёшида телевизордан фильм томоша қилиб, актриса бўлишга қарор қилган Неслиҳан ўша кунларни кеча бўлиб ўтгандек эслайди: «Отамга 8 ёшимда актриса бўлишни хоҳлайман, дедим. Шунда у бошимни силаб: «Албатта, бўласан, қизим» деди. Ҳатто ўша ёшимда ўзимни ҳеч нарсага улгурмайман деб, қандайдир агентлик топиб, номаълум рақамга қўнғироқ қилдим. Мени кўриш учун агентликка чақиришганда, онамдан бирга боришни илтимос қилгандим. Сабаби, у 18 ёшимга қадар менга ҳар ишда ҳамроҳ эди. Кейинчалик бир нечта реклама роликларида иштирок этдим, 13 ёшимда «Биринчи муҳаббат» сериалида рол ижро этганман.

«Кадирга нисбатан ҳис этганларимни таърифга сиғдира олмайман».

2013 йилда «Ишқ соҳиллари» сериалида учрашган Неслиҳан ва Кадир Доғулу 2016 йилда турмуш қурди. «Бир қарашда муҳаббат бўлганми?» деган саволга актриса: «Бирор нарса дейиш қийин, буни бир қарашда муҳаббат дейдими, билмадим. Лекин илк учрашувимизда унга шунчалар бошқача қараганман. Агар бу саволга Кадир жавоб берганидами?! Унга нисбатан ҳис этганларимни таърифга сиғдира олмайман ёки ҳақсизлик қилган бўламан. Албатта, у аввало, яхши инсон. Мен унинг, марҳамати, меҳрибонлиги, ҳақиқатпарварлиги, касбини севиши ва барчага бир хил муомалада бўлишини яхши кўраман. Кадирга бўлган муҳаббатим бир инсон кўтара олмайдиган катталикда. Шукрки, йўлларим у билан боғланган», — деб жавоб берди.

«Пандемияда тушкунликка тушмадик».

Неслиҳан Атагул пандемия даври ва ундан кейин нима қилиш кераклиги ҳақида фикр билдирди:

«Пандемияда тушкунликка тушмадик, чунки ҳайвонларга ғамхўрлик қилдик, уларни озиқлантирдик, маскан қурдик. Табиат билан ёлғиз қолдик. Ер ва инсоният тинимсиз ривожланишда. Шунинг учун ҳам бу жараённи одатдагидек қабул қилдим. Одамлар бошқа касалликдан ҳам вафот этяпти, аёллар қотилликлар қурбонига айланяпти. Биз бунинг учун уйда қолмадик. Ичимиздаги бир куч ҳаракатга келишимизни кутяпти. Амалларни ўзимиз учун қилишдан тўхтаб, жамият учун бирлашишимиз керак. Биласизку, тупроғимиз қанчалар унумдор, ўзини турк ҳисоблаган инсон қанчалар ақлли. Шу тупроққа дон отган заҳоти жавоб қайтаради. Тупроқ шундай экан, халққа дон оцангиз натижани тасаввур қилаверинг».