Американинг HBO телеканали ҳамда Британиянинг Sky телетармоғи ҳамкорлигида ишланган «Чернобил» сериали Британия кино ва телевизион санъат академиясининг BAFTA мукофотини «Энг яхши мини-сериал» номинациясида қўлга киритди. Бу ҳақда 31 июль куни Лондонда ўтказилган онлайн маросим вақтида маълум бўлди.
Шунингдек, «Энг яхши актёр» роли академик Валерий Легасов ролини ижро этган Жаред Харрисга насиб этган.
18 июль куни «Чернобиль» еттита мукофотни қўлга киритган эди. Хусусан, Бронза ниқоблар сериал режиссёри Йохан Ренкка, «Чернобиль»нинг оргинал мусиқий мавзусини яратган композитор Хилдур Гуднадоттирга ҳамда костюмлар бўйича рассом Одил Дикс-Мирога насиб этган.
Бундан ташқари, сериал BAFTA’нинг «Энг яхши операторлик иши ва чироқ», «Энг яхши декорация», «Энг яхши овоз» ҳамда «Энг яхши монтаж» йўналишлари бўйича ҳам мукофотни қўлга киритган.
Шундай қилиб, 14 йўналиш бўйича мукофотга номзодлик қилган сериал 9 та мукофотни қўлга киритди.
Эслатиб ўтамиз, январь ойида «Чернобиль» «Энг яхши сериал» номинациясида «Олтин глобус»ни қўлга киритган эди.
Изоҳ (0)