Австралия ҳайвонот боғида дунёдаги энг баланд бўйли жирафа сифатида Гиннеснинг рекордлар китобига киритилган жонзот яшайди. Жирафа бўйининг баландлиги 5,5 метрга тенг, деб хабар беради Upi.
Ирвин Бинди оиласи Квисленд штатидаги Бирва шаҳрида жойлашган ҳайвонот боғига эгалик қилади. Ижтимоий тармоқларда улар Форрест лақабли жирафа расман дунёдаги энг баланд бўйли жирафа, дея тан олинганини маълум қилди.
«Қадрдонимиз Форрест энг баланд жирафа сифатида Гиннеснинг рекордлар китобидан жой олди. Бўйдор йигитимиз билан фахрланамиз, унинг улкан ва меҳрибон юраги бор», — деб ёзади Ирвин.
Форрест жирафаларни кўпайтириш дастури иштирокчиси ҳисобланади. У ҳозирга қадар 20 та жирафанинг отасига айланган. Яқин кунларда унинг яна бир боласи дунёга келиши кутилмоқда.
Изоҳ (0)