Los-Anjelesdagi hayvonot bog‘i xodimlari tashrif buyuruvchilar orasida mashhurlikka erishgan sherlar juftligini zaharlab o‘ldirish bo‘yicha qaror qabul qildi. Bu haqda hayvonot bog‘ining Facebook’dagi rasmiy akkaunti orqali ma’lum qilingan.
Bunga ikkala hayvonning ham avholi yomonlashgani sabab bo‘lgan: ular qarib qolgan va turli kasalliklarga chalingan. Sherlar bir-birisiz yashamasligi uchun ularni birgalikda evtanaziya qilishga to‘g‘ri kelgan.
“Xuber va Kalisa Los-Anjeles hayvonot bog‘ining muhim qismi edi. Xodimlar va tashrif buyuruvchilar ularning bir-biriga bo‘lgan sodiqligidan hayratga tushardi. Sherlar hayvonot bog‘iga olti yil oldin kelgandi va tezda qalbimizdan joy oldi. Mashhur juftlik bilan vidolashish qanchalik og‘ir bo‘lmasin, ular birgalikda ketganini o‘ylab, o‘zimini ovutmoqdamiz”, — deydi hayvonot bog‘i direktori Deniz Verret.
Ushbu sherlar turli joylarda tug‘ilgan — Chikago va Sietlda. Ular 2014-yili Los-Anjeles hayvonot bog‘iga olib kelinganida tanishib olgan. O‘shandan buyon yirtqichlar bir-biridan umuman uzoqlashmagan.
Tabiatda sherlar 10-14 yil umr ko‘radi, tutqinda esa 20 yilga qadar yashashi mumkin.
Izoh (0)