Жанубий Кореяда кучли ёғингарчилик оқибатида камида 12 киши қурбони бўлган, яна 14 киши бедарак йўқолган. Бу ҳақда Yonhap агентлигига таяниб, «РБК» хабар бермоқда.
Кёнгидо провинциясининг Пхёнтхэк ва Капхён шаҳарларида сел келиши оқибатида ер кўчкиси содир бўлиб, олти киши ҳалок бўлган. Шунингдек, Чухунчухон-Пукто провинциясида олти киши бедарак йўқолган. Улар орасида юк машинаси кабинасида бўлган 60 ёшли одамни сел оқизиб кетгани айтилмоқда.
Мамлакатнинг марказий қисмидаги кучли ёғингарчилик натижасида 1025 киши ўз уйларини тарк этишга мажбур бўлди. Маълум қилинишича, 5,7 минг гектардан ортиқ қишлоқ хўжалик ерлари сув остида қолган.
Хабар берилишича, йўллар, кўприклар ва темир йўллар ҳам зарар кўрган. 40 дан ортиқ йўл ва олтита темир йўл линияларида ҳаракат тўхтатилган.
Табиий офат оқибатлари билан курашиш учун 25 мингдан ортиқ полициячи ва қутқарувчилар, шунингдек, кўнгиллилар жалб қилинган.
Изоҳ (0)