Буюк Британияда яшовчи 35 ёшли Фотима Бридл коронавирус инфекцияси ташхиси билан касалхонага ётиб, у ерда 141 кун давомида даволанди. Бу ҳақда The Mirror хабар қилган.
Британиялик шифокорлар Марокашдан қайтганидан кейин коронавирус инфекциясини юқтириб олганини аниқлаган ва карантин эълон қилинишидан аввал шифохонасига ётқизилган беморнинг тузалганини маълум қилди.
Бридлда коронавирус касаллиги оғир шаклда ўтган, унинг ўпкаси ишламаган, шу сабабли аёл узоқ вақт давомида жонлантириш бўлимида ётган. Фотима бир ярим ой давомида сунъий кома ҳолатида, ўпкага сунъий нафас берувчи махсус аппаратга улаб қўйилган ҳолатда даволанган.
Шифокорларнинг сўзларига кўра, мазкур аппаратга уланган вақтда Бридлнинг яшаб қолиш имконияти 40 фоизни ташкил қилган, кундан кунга вазият ёмонлашиб борган.
Аёл умрининг қолган қисмини битта ўпка билан ўтказади. Айни вақтда у мушаклардаги ҳолсизлик туфайли мустақил ҳаракатлана олмайди. Бридл махсус юриш аравасидан фойдаланади ва жисмоний машқларни бажариб мушаклар фаолиятини аста-секин тиклашга умид қилмоқда.
Аввал олимлар Хитойдаги тезкор поездлар тажрибасидан олинган маълумотлар асосида темир йўл орқали манзилга борганда коронавирус юқтириб олиш хавфи камлигини аниқлаганди. Тадқиқот натижасиига кўра Хитой тезкор поезди ёки унга ўхшаш муқобил вариантда COVID-19 юқтириб олиш хавфи 0-10 фоизни ташкил қилади.
Изоҳ (0)