iPhone 12 ҳақидаги доимий хабарлар сабаб янгиланган Apple Watch ҳақида батафсил маълумотлар деярли тарқалмади. Бироқ ДигиTimes ушбу «тинчлик»ни бузиб, Apple компанияси АСЕ Technology билан Watch Series 6’ни ишлаб чиқариш борасида битим имзолаганини маълум қилди.
Маълумотларга кўра, Series 6 модели қондаги кислород миқдорини ўлчайдиган датчикка эга бўлади. Аввалроқ мазкур функция watchOS 7 бета версиясида аниқланган эди.
Операцион тизимдаги кодлардан қондаги кислород миқдорини Apple Watch’нинг қайси версиясида ишга туширилишини англаш қийин бўлган. Узоқ йиллар давомида юрак уришини ўлчайдиган оптик датчик мазкур кўрсаткични ҳам кузата олиши борасида баҳслар кетган.
Apple’нинг ўзи эса watchOS 7 тақдимотида қондаги кислороднинг тўйинганлигини кузатувчи функцияга умуман эътибор қаратмаган. Афтидан, компания аввалига ушбу функцияни қўллаб-қувватлайдиган қурилмани чиқаришни режалаштирган кўринади. ДигиTime тахминича, «ақлли» соатларнинг навбатдаги авлодига айнан шу турдаги махсус сенсор ўрнатилади.
Умуман олганда, бу каби миш-мишлар кузгача — Apple’нинг янги гаджетлари тақдимотига қадар давом этади. Эслатиб ўтамиз, 2020 йилда компаниянинг анъанавий тарзда сентябрь ойида ўтказиб келинаётган тадқимоти бир неча ҳафтага сурилган.
Аввалроқ Apple’нинг «ақлли» соатлари автомобиль эшигини очиш ва уни ўт олдиришни ўрганиб олгани тўғрисида хабар берилганди.
Мавзуга доир: Apple дунёдаги энг қиммат компанияга айланди
Изоҳ (0)