Apple компанияси iPhone смартфонлари нуқсонларини қидириш учун унинг бепул партиясини ишлаб чиқарди. Бу ҳақда компания расмий сайтида маълум қилинган.
Security Research Device гаджетлар партияси қурилма нуқсонларини қидириш билан шуғулланувчи мутахассислар учун мўлжалланган.
Хакерлар учун мўлжалланган iPhone тизим файлларига осон кира олади, бу эса камчиликларни қидиришни оптималлаштиради. Киберхавфсизликни тестдан ўтказиш дастури иштирокчиларига гаджет бепул тақдим этилади.
Таъкидлаш керакки, Apple қурилмадаги нуқсонларни аниқлаб, бу ҳақда маълум қилган хакерларга миллион долларгача пул тўлайди.
Apple Security Bounty дастурида барча хоҳловчилар иштирок этиши мумкин. Мутахассислар бунинг учун ариза бериши ва 2021 йилги дастурни кўриб чиқишларини кутиши керак. Apple’нинг собиқ ходимлари ҳам бунда қатнаша олади, бироқ улар компанияда бир йилдан ошиқ ишлай олмайди.
Дастурда иштирок этувчиларнинг Apple Developer дастурида аккаунти ва нуқсонларни қидириш бўйича яхшигина тажрибаси бўлиши керак. Шунингдек, номзод АҚШ санкцияларига киритилмаган мамлакатда яшаши ва вояга етган бўлиши лозим.
Эслатиб ўтамиз, 2019 йилда Google компанияси iPhone қурилмаларига амалга оширилган энг йирик хакерлик ҳужуми ҳақида маълум қилган эди.
Мавзуга доир: Юз миллионлаб iPhone’ларни бузиш имкони топилди
Изоҳ (0)