Samsung компанияси Galaxy Note 20 линейнаси ва янги симсиз наушниклар намойиш этиладиган Galaxy Unpacked 2020 тадбирини кутиб ўтирмасдан, ўзининг янгиланган Galaxy Z Flip 5G моделини тақдим этди, деб хабар беради Gsmarena.
Унда баҳорги моделлардан ажралиб турагидан иккита жиҳат мавжуд — янги Qualcomm Snapdragon 865+ процессори ва шарнир атрофига 0,1 миллиметр қалинлик қўшилган. Янги процессорнинг ўрнатилиши модель нархининг 70 долларга қимматлашишига олиб келган.
Samsung Galaxy Z Flip 5G’нинг техник тавсифи:
- ўлчамлари: 167,1х74,7х6,9 миллиметр (очилганида), 87,4х73,4х15,2 миллиметр (ёпилганида), оғирлиги 183 грамм;
- дисплей: 2636х1080 пикселга эга 6,7 дюймли эгилувчан AMOLED (асосий), 300х112 пикселли 1,1 дюймли AMOLED (қўшимча);
- процессор: 8 ядроли Qualcomm Snapdragon 865+;
- камера: 12 Мп, ф/1.8 (асосий), 12 Мп, ф/2.2 (ултра-кенг бурчакли); 10 Мп, ф/2.4 (фронтал);
- хотира: 8 гигабайт тезкор, 256 гигабайт ички;
- батарея: 3300 мА/соат, Qi симсиз қувватлантиргич;
- операцион тизим: Android 10, One UI 2.5;
- алоқа: USB Type-C, Wi-Fi 802.11 а/b/g/n/аc/ах (Wi-Fi 6), 5G, Bluetooth 5.0, NFC;
- Корпус ранги: Mystic Gray ва Mystic Bronze.
Изоҳ (0)