Nubia компанияси ўйин смартфони ва эгилган дисплeйга эга «ақлли» соатини намойиш этди

Nubia компанияси янгиланган Rad Magic 5S ўйин смартфони, Red Magic TWS-наушниклари ва эгилган дисплейга эга дунёдаги биринчи «ақлли» соатини намойиш этди, деб хабар беради Gsmarena.

Red Magic TWS

Компания ўзининг янги симсиз наушникларини ўйин вақтида товушнинг узилиб қолмаслиги ҳақида қайғурадиган геймерлар учун ажойиб ечим сифатида тақдим этди. Ишлаб чиқарувчининг маълум қилишича, оддий ҳолатда товуш 60 миллисонияга ортда қолади, ўйин режимида эса — 39 миллисония. Гаджет Red Magic 5S смартфони услубида яратилган. Бир марта қувватланиш орқали 20 соатга қадар ишлай олади.

Nubia Watch

Эгилган дисплейга эга дунёдаги биринчи «ақлли» соат бўлиб, MWC 2019 кўргазмасида намойиш этилган концептга асосланган. Унга дастлаб қўлга тақиладиган смартфон концепцияси сифатида қаралган Nubia афлга прототип вазифасини ўтаган.

Қора, қизил ёки яшил корпусларда тақдим этилаётган «ақлли» соатлар 316L мустаҳкам пўлат маркасидан тайёрланган. Эгилган Amoled экран диагонали 4,01 дюймни ташкил этади, пикселлар сони 960х192. Дисплей Gorilla Glass ойнаси билан ҳимояланган. Қурилма ичига Snapdragon Wear 2100 процессори ва сиғими 420 мА/соатга тенг аккумулятори ўрнатилган. Шунингдек, янгилик eSIM, GPS, Bluetooth ва Wi-Fi’ни қўллаб-қувватлайди.

Red Magic 5S

Мазкур ўйин смартфони ташқи кўриниши билан ўзидан олдинги авлод — Red Magic 5G’дан бироз фарқ қилади. Асосий ўзгариш унинг ичида: қайта ишланган совутиш тизимидан ўрин олган кулер дақиқасига 15 минг маротаба айланишни амалга ошира олади.

Смартфонга 6,65 дюймли Amoled экран ўрнатилган. Шунингдек, телефонда тегинишлар частотасини ҳисобловчи 320 герц сенсор триггерлар мавжуд. Қурилма ичига Snapdragon 865 процессори, 16 гигабайт тезкор ва 128/256 гигабайт ички хотира ўрнатилган. Аккумулятор сиғими 4500 мА/соатга тенг бўлиб, 55 ваттли тезкор қувватланиш функциясига эга.

Бундан ташқари, Red Magic 5S’ни симсиз алоқа орқали телевизорга улаш ва ўйинни унга трансляция қилиш мумкин. Бу вақт телефон экранида эса контроллер тасвири пайдо бўлади. Смартфон камералари тўртта: асосий блок 64, 8 ва 2 мегапикселли, шунингдек, 8 мегапикселли фронтал.

Расмий нархлар:

• Red MagicTWS — 45 доллар;
• Nubia Watch — 260 доллар;
• Red Magic 5S 8/128 Гб — 545 доллар;
• Red Magic 5S 12/256 Гб — 630 доллар;
• Red Magic 5S 16/256 Гб — 715 доллар.