«Манчестер Сити» бош мураббийи Хосеп Гвардиола Европа Чемпионлар Лигаси 1/8 финал жавоб баҳси доирасида «Реал»га қарши кечадиган ўйин ҳақидаги фикрлари билан ўртоқлашди.
Мадриддаги учрашувда «шаҳарликлар» 2:1 ҳисобидаги ғалабани қўлга киритганди.
«Биз биринчи ўйинда яхши натижани қўлга киритганмиз. Агар «Манчестер Сити» ушбу натижага қараб қоладиган бўлса, кейинги босқичга чиқишимиз қийин бўлиб қолади. Бор эътиборни жамлаган ҳолда 95-дақиқагача етиб боришимиз керак.
Ўзимизда бор устунлик ҳақида у қадар кўп ўйламаслигимиз керак. Бу қандай устунлик эканини биламиз. Бундай буюк клублар қарама қаршилик тақдирини ўзгартириб юборишга қодир, худди «Барселона» ва «Бавария» сингари. «Реал» Чемпионлар Лигасига кўникиб қолган ва бу ерда қандай ўйнаш кераклигини билади», — дейди Гвардиола.
«Манчестер Сити» ва «Реал» ўртасидаги ўйин 7 август куни Манчестерда бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)