Италия терма жамоаси сафида 1982 йилги мундиал ғолиби Франко Барези дунёнинг айни дамдаги энг яхши ҳимоячилари ҳақида гапириб ўтди.
«Айнан биттасини танлаш осон эмас. Ўйлашимча, сўнгги бир неча йил ичида Серхио Рамос совринлари ва ажойиб ўйинлари билан энг яхши футболчилардан бири бўлиб турибди. У ёш бўлмаса ҳам, «Реал» учун жуда муҳим ўйинчи ҳисобланади.
Кейин эса ван Дейкни айтган бўлардим, у «Ливерпуль»нинг асосий ўйинчиларидан бири. У жамоага кўп нарса бера олди ва шунча йиллардан кейин ғалаба ишончини қайтарди», — дейди Барези.
Маълумот учун, 34 ёшли Рамос Испания Ла Лигасининг 2019/20-мавсумида 35 та ўйин ўтказиб, 11 та гол ва 1 та голли узатмага муаллифлик қилди. Виржил ван Дейк эса Англия Премьер Лиганинг 38 учрашувида майдонга тушиб, ўз номига 5 та гол ва 1 ассист ёздириб қўйди.
Қайд этиш жоиз, ҳар иккала футболчи ўз жамоаси билан мамлакат чемпионатида ғолибликни қўлга киритди.
Мавзуга доир:
Изоҳ (0)