«Барселона» ва Бразилия терма жамоаси собиқ футболчиси Роналдиньо Парагвайдаги тўрт ойлик уй қамоғидан сўнг озодликка чиқарилиши мумкин. Бу ҳақда ESPN хабар бермоқда.
Хабар қилинишича, тергов 90% га якунланган. Прокуратура пул «ювиш» ёки Роналдиньонинг уюшган жиноятчиликка алоқаси борлиги тўғрисида айблов эълон қилмаган.
Роналдиньо ва у билан бирга бўлиб турган акасига айбни тан олиш ва жарима тўлаш эвазига ишни тугатиш таклиф қилиниши мумкин.
Таъкидланишича, Роналдиньонинг адвокатлари август ойида ака-укаларни озод қилиш устида жиддий иш олиб бормоқда.
Эслатиб ўтамиз, март ойи бошларида 40 ёшли бразилиялик акаси билан Парагвай ҳудудига сохта паспорт билан кирганлиги учун ҳибсга олинганди. Шундан кейин улар 32 кун давомида қамоқда сақланди. Ҳозирда ака-ука Асунсьондаги меҳмонхонада уй қамоғида бўлиб турибди.
Роналдиньонинг «Барселона» сафида энг эсда қоларли 10 та вазиятини томоша қилинг (видео)
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)